តាំងពីថ្ងៃទី១៦ ខែតុលាបឹងទានឆឺខេត្តយូណានបានចូលមកដល់រដូវបើកបឹងរយៈពេល៣០ថ្ងៃជាប់គ្នា។ ដើម្បីការពារបឹងទានឆឺនិងកាត់បន្ថយភាពកខ្វក់ អ្នកនេសាទក្នុងតំបន់បានឈប់ប្រើទូកម៉ូទ័រប្រេងនេសាទត្រីតាំងពីយូរមកហើយ ដែលជំនួសដោយទូកក្តោងបីបុរាណម្យ៉ាង។ ស្ថានភាពឆ្នាំនេះខុសពីឆ្នាំមុន រដូវបើកបឹងនៃបឹងទានឆឺនៅឆ្នាំនេះគ្រាន់តែអនុញ្ញាតឱ្យនេសាទត្រីបណ្តូលចេក និងបង្គាតូច។
លោក Zhang Kaidi អាយុជាង៦០ឆ្នាំនិយាយថា ខ្ញុំសុខចិត្តនេសាទត្រីតិច ក៏មិនចង់បំផ្លាញប្រព័ន្ធអេកូឡូស៊ីនៃបឹងទានឆឺ។ លោកបន្តនិយាយថា ប្រព័ន្ធអេកូឡូស៊ីបឹងទានឆឺទើបស្តារឡើងវិញបានល្អដោយការខិតខំប្រឹងប្រែងរបស់យើង ពួកយើងត្រូវការពារឱ្យបានល្អមិនអាចគិតតែទាមទារពីធម្មជាតិបាននោះទេ។ រង់ចាំកូនត្រីធំបន្តិចទៀត ខ្ញុំមិនប្រញាប់ទេ។
នៅទស្សវត្សរ៍ទី៨០“នៅក្បែរបឹងមានក្លិនស្អុយ មានត្រីងាប់ជាច្រើនអណ្តែតមកដល់ច្រាំង ពិតជាឈឺចិត្តណាស់!”លោកZhang Kaidiនៅតែចងចាំយ៉ាងច្បាស់ចំពោះស្ថានភាពពេលនោះ ។ កាលពីមុន ប្រជាជនស្នាក់នៅក្បែរបឹងទានឆឺខ្វះគំនិតការពារបរិស្ថាន អ្នកទាំងអស់គ្នាមិនគិតដល់ថា មានថ្ងៃមួយទឹកបឹងទានឆឺអាចនឹងកខ្វក់ដោយពួកគេតែងតែយកសំរាមដាក់ចូលក្នុងដៃទន្លេលើបឹងទានឆឹ។
រៀងរាល់ថ្ងៃ អ្នកនេសាទតាមបឹងទានឆឺសុទ្ធតែសង្ឈឹមថា អាចមើលឃើញទឹកបឹងម្តាយថ្លាល្អដែលអាចមើលឃើញដល់បាតបឹង។ ឆ្លងកាត់ការគ្រប់គ្រងរយៈពេល៣០ឆ្នាំជាប់គ្នា គុណភាពបឹងទានឆឹបានរក្សាយ៉ាងល្អប្រសើរ គុណភាពទឹកទូទាំងបឹងទានឆឺនៅពាក់កណ្តាលឆ្នាំមុនបានរក្សានៅប្រភេទ Ⅳ៕