កាលពីថ្ងៃទី ០៩ ខែមករា ក្រុមនាវាការពារដំណើរលើកទី៣០នៃកងទ័ពជើងទឹកប្រទេសចិនដែលមាននាវា PLANS WUHU នាវា PLANS HANDAN និងនាវា PLANS DONG PING LAKE បានចូលចតនៅកំពង់ផែសីហនុនៃប្រទេសកម្ពុជាក្នុងការបំពេញទស្សនកិច្ចមិត្តភាពរយៈពេល៤ថ្ងៃនៅកម្ពុជា។ លើកនេះជាលើកទី៤ដែលក្រុមនាវាកងទ័ពជើងទឹកប្រទេសចិនបំពេញទស្សនកិច្ចនៅប្រទេសកម្ពុជាក្នុងប៉ុន្មានឆ្នាំចុងក្រោយនេះ។
នាម៉ោង១០ព្រឹកតាមម៉ោងនៅក្នុងតំបន់ ក្រុមនាវាការពារដំណើរលើកទី៣០នៃកងទ័ពជើងទឹកប្រទេសចិនដែលលើកទង់ជាតិប្រទេសទាំងពីរចិននិងកម្ពុជាចូលចតក្នុងកំពង់ផែសីហនុនៃប្រទេសកម្ពុជាដែលដឹកនាំដោយមេបញ្ជាការនៃក្រុមនាវាឧត្តមនាវីទោ Xu Haihua និងឧត្តមនាវីទោ Du Naihua នាវាកងទ័ពជើងទឹកកម្ពុជាអមដំណើរនាវាកងទ័ពជើងទឹកចិន។
ឯកឧត្តម Wang Wentian ឯកអគ្គរដ្ឋទូតចិនប្រចាំកម្ពុជាដឹកនាំមន្ត្រីស្ថានទូត អ្នកជំនាញការយោធាជំនួយពីចិន សមាគមសម្ព័ន្ធចិន-ខ្មែរនៅកម្ពុជា ស្ថាប័នមូលនិធិចិន អ្នកតំណាងអាណិកជនចិនឬជនជាតិចិន បានទទួលស្វាគមន៍នៅកំពង់ផែ លោកឧត្តមនារីទោ រស់ វាសនា មេបញ្ជាការរងកងទ័ពជើងទឹកមូលដ្ឋានសមុទ្ររាមនិងតំណាងកងទ័ពជើងទឹកកម្ពុជាចូលរួមពិធីស្វាគមន៍។ ក្រោយពីបញ្ចប់ពិធីស្វាគមន៍ ប្រជាជនទទួលស្វាគមន៍បានបែងចែកជាក្រុមដើម្បីទស្សនានាវាចិន៕
អ្នកសារព័ត៌មាន៖Ding Feng
អ្នកបកប្រែ៖លីហ្សា