លោក Ning Jizhe ប្រធានរដ្ឋបាលជាតិស្ថិតិចិនបានបង្ហើបឲ្យដឹងនៅក្រុងប៉េកាំងកាលពីថ្ងៃទី២១ខែមករាថា ល្បឿនកំណើននៃការវិនិយោគរបស់ប្រទេសចិនក្នុងឆ្នាំ២០១៨បានកើនក្នុងភាពនឹងនរ កំណើននៃការវិនិយោគលើវិស័យផលិតកម្មនិងសង្គមស៊ីវិលបានត្រូវពន្លឿន។
លោក Ning Jizhe បានថ្លែងថា ការវិនិយោគលើអចលនទ្រព្យទូទាំងប្រទេសឆ្នាំ២០១៨ដែលមិនរាប់បញ្ចូលគ្រួសារកសិករបានលើសពី៦៣ទ្រីលានយាន់ចិន កើនឡើង៥.៩%បើប្រៀបធៀបជាមួយនិងឆ្នាំ២០១៧។
ក្រៅពីនេះ ការវិនិយោគលើវិស័យផលិតកម្មបច្ចេកទេសទំនើប និងការវិនិយោគលើវិស័យផលិតកម្មសម្ភារៈបរិក្ខារបានកើនឡើង១៦.១%និង១១.១%ដោយឡែកពីគ្នាបើប្រៀបធៀបជាមួយនិងឆ្នាំ២០១៧៕
អ្នកបកប្រែ：Li Zhanjing