ភូមិខឺយីមានជីវភាពរស់នៅយ៉ាងល្អប្រសើរ

　　ប្រមាណឆ្នាំ២០០០  មានសាស្ត្រាចារ្យមួយរូបមកពីសាកលវិទ្យាល័យយូណានមកកាន់ភូមិខឺយី ឃុំស៊ីសាន ទីក្រុង​មីលឹ  ដើម្បីសិក្សាស្រាវជ្រាវវប្បធម៌អាស៊ីថៀវយ័រ（អាស៊ីថៀវយ័រជារបាំប្រជាប្រិយដែលមានលក្ខណៈតំណាងល្អជាងគេ​នៃ​ពួកអាស៊ីរបស់ជនជាតិយី）  ភូមិខឺយីជាស្រុកកំណើតនៃអាស៊ីថៀវយ័របានកាន់តែល្បីឈ្មោះពីមួយថ្ងៃទៅមួយថ្ងៃ។ មានមនុស្សកាន់តែច្រើនបានស្គាល់ភូមិខឺយីនិងមកដល់ទីនេះ ។

　　ដូច្នេះ  វិស័យទេសចរណ៍បានរីកចម្រើនឡើងនៅភូមិខឺយីពីមួយថ្ងៃទៅមួយថ្ងៃ។  ដល់ឆ្នាំ២០១២និងឆ្នាំ២០១៣  ប្រាក់ចំណូលរួមក្នុងភូមិបានដល់៥០ម៉ឺនយ័នក្នុងមួយឆ្នាំ។  តាំងពីឆ្នាំ២០១៣កន្លងមក  ភូមិខឺយីបានរៀបចំសាងសង់“ផ្ទះដ៏​ស្រស់ស្អាត”​ព្រមទាំងជួសជុលផ្លូវក្នុងភូមិជាផ្លូវស៊ីម៉ងត៍  ដងវិថីមានការបំផ្លឺឡើង ប្រឡាយទឹកថ្លាល្អ  បរិស្ថានបៃតង  ភូមិដ្ឋានស្រស់ស្អាត។ មិនតែប៉ុណ្ណោះទេ  ភូមិខឺយីថែមទាំងធ្វើសហប្រតិបត្តការជាមួយសហគ្រាសធំៗ  ដើម្បី​ឱ្យវិស័យទេសចរណ៍នៅទីនេះកាន់តែធំទូលាយនិងលក្ខណៈស្តង់ដារ។ អ្នកភូមិបានធ្វើការងារដែល​ពាក់ព័ន្ធ​វិស័យ​ទេសចរណ៍ដូចជា  មគ្គុទេសក៍ទេសចរណ៍  អ្នកសម្អាត  អ្នកបើកម៉ូតូនិងកងកម្លាំងសន្តិសុខជាដើម។  ការមានរថយន្ត​គ្រួសារ​ក្នុង​ផ្ទះ​គឺជារឿងធម្មតានៅបច្ចុប្បន្ននេះ។

　　ប្រាក់ចំណូលរបស់អ្នកភូមិបានកើនឡើងយ៉ាងពិតប្រាកដ  ប៉ុន្តែបានក៏បង្កើតបញ្ហាខ្លះផងដែរ។  មានអ្នកភូមិខ្លះ​មានលុយហើយ  គឺចង់រុះរើស្ថាបនាផ្ទះចាស់ៗនិងសាងសង់ផ្ទះថ្មី  ឬក៏កែប្រែការសាងសង់តាមការចូលចិត្តរបស់ខ្លួន។  ភូមិនេះបានធ្វើការងារជាច្រើនដើម្បីរក្សាលក្ខណៈដើម  ដូចជាធ្វើច្បាប់ភូមិ  ថែមទាំងរៀបចំក្រុមការពារភូមិផងដែរ។

　　កូនឃុំខឺយីដែលយកភូមិខឺយីជាស្នូលបានក្លាយទៅជាកូនឃុំពិសេសមួយក្នុងកូនឃុំពិសេសដែលកែច្នៃយ៉ាងសំខាន់ដោយទីក្រុងមីលឹ  នៅឆ្នាំ២០១៨បានទទួលភ្ញៀវទេសចរចំនួន៦៧ម៉ឺននាក់  បើប្រៀបធៀបនឹងឆ្នាំមុនបានកើនឡើង៨%  ដែលបានប្រាក់ចំណូលខាងវិស័យទេសចរណ៍ចំនួន១០.៧២លានយ័ន ប្រៀបធៀបនឹងឆ្នាំមុនកើនឡើង១៧%៕

  

　　អ្នកសារព័ត៌មាន៖ Liu Ziyu Pu Jianbin Chen Fei

　　អ្នកបកប្រែ៖ លីហ្សា