បម្រែបម្រួលយ៉ាងស្រស់ត្រកាលនៃភូមិជនជាតិយីស្សឺស៊ី

　　ភូមិជនជាតិយី ស្សឺស៊ីស្ថិតនៅភ្នំស្សឺស៊ី  ឃុំស្សឺស៊ី ទីក្រុងឆុស្យុង  មណ្ឌលស្វយ័តជនជាតិយីឆុស្យុង ខេត្តយូណាន។  ភូមិស្សឺស៊ីជាភូមិជនជាតិយីដែលត្រូវបានរុះរើនិងផ្លាស់កន្លែងពីរដងក្នុងរយៈពេល២០ឆ្នាំ  គេហដ្ឋានក្នុងភូមិដ្ឋាននៅកាលពីមុនគឺចាស់   បរិស្ថានរស់នៅក៏មានភាពលំបាកលំបិនផងដែរ​។

　　ដើម្បីកែប្រែមុខម៉ាត់ភូមិ  តាំងពីឆ្នាំ២០១៣កន្លងមក  ភូមិស្សឺស៊ីបានចាប់ផ្តើមអនុវត្តការស្ថាបនាភូមិថ្មីដ៏ស្រស់ត្រកាល់ដោយគ្រប់ជ្រុងជ្រោយ។  ចំពោះការស្ថាបនាភូមិស្សឺស៊ីបានលេចធ្លោការសាងសង់គេហដ្ឋានប្រជនជនពិសេស  ក៏យកចិត្តទុកដាក់លើការសាងសង់ហេដ្ឋារចនាសម្ព័ន្ធផងដែរ  ធ្វើឱ្យមានលក្ខណៈបៃតង  ស្រស់ស្អាត  ភ្លឺល្អនិងថ្លាល្អព្រមទាំងសម្រេចបាននូវការបែងចែកជម្រកសត្វនិងមនុស្សការបែកចែកទឹកភ្លៀងនិងទឹកកខ្វក់ ព្រមទាំងការប្រមូល​សំរាមរួមផងដែរ។

　　ឆ្នាំ២០១៣  គ្រួសាររុះរើនិងផ្លាស់ទីកន្លែងចំនួន៥០គ្រួសារបានសាងសង់គេហដ្ឋានថ្មីនៃជនជាតិយី   មានចំនួន៣៤គ្រួសារបានសម្រេចទាំងស្រុងនូវការលើកកម្ពស់និងកែច្នៃគេហដ្ឋានថ្មី  នៅឆ្នាំ២០១៤បានផ្លាស់ចូលក្នុងផ្ទះថ្មីទាំងអស់មុនពេលចូលឆ្នាំចិន។

　　បរិយាកាសរស់នៅយ៉ាងល្អប្រសើរបានក្លាយទៅជាកម្លាំងផលិតយ៉ាងសំខាន់នៃភូមិជនជាតិយី។  វានឹងធ្វើឱ្យការគ្រប់គ្រងអនាម័យរួមនៃបរិស្ថានភូមិនិងទេសចរណ៍ភូមិ ការអភិវឌ្ឍឧស្សហកម្មពិសេសតភ្ជាប់គ្នា  ញ៉ាំងឱ្យភូមិជនជាតិយីស្សឺស៊ីកែច្នៃឧស្សាហកម្មភូមិថ្មី  អេកូឡុស៊ីភូមិថ្មី  ទេសចរណ៍ភូមិថ្មីក្លាយទៅជាវិធានការថ្មីៗ  សម្រាប់ជម្រុញយុទ្ធសាស្ត្រការស្តារឡើងវិញនៅតាមជនបទ។

  

　　បច្ចុប្បន្ននេះ  ភោជនីយដ្ឋានទេសចរណ៍ភូមិនៃភូមិស្សឺស៊ីបានអភិវឌ្ឍដល់២៨  ផ្ទះសំណាក់ភូមិជនជាតិយីមានចំនួន៨  ថែមទាំងនាំចូលគម្រោងទេសចរណ៍ភូមិមួយចំនួនដូចជាទីលានស្គីស្មៅ ឃុំរក្សាសុខភាពនិងពិធីជប់លាងតុវែងជាដើម  ប្រជាជនជនជាតិយីអាចរកចំណូលបាននៅស្រុកកំណើតខ្លួន។

　　នៅឆ្នាំ២០១៨  ភូមិស្សឺស៊ីបានទទួលភ្ញៀវទេសចរជាង១២ម៉ឺននាក់  ទទួលបានប្រាក់ចំណូលពីវិស័យទេសចរណ៍ជាង៨៥០ម៉ឺនយ័ន  ប្រាក់ចំណូលជាមធ្យមក្នុងមួយគ្រួសារមានចំនួន៩.៩៨ម៉ឺនយ័នក្នុងមួយឆ្នាំ។  ហេតុនេះហើយបានជាភូមិស្សឺស៊ីបានក្លាយពីភូមិក្រីក្រក្លាយទៅជាភូមិធូរធារដែលល្បីឈ្មោះនៅតំបន់នោះ៕

  

　　អ្នកសារព័ត៌មាន៖ Luo Chunming  Zhao Pufan

　　អ្នកបកប្រែ៖ លីហ្សា