ពេលថ្មីៗនេះ ប្រជាជនក្រីក្រចំនួនជាង២៧០០នាក់នៃឃុំសៀងចាំង ឃុំដាស៊ីឌី ឃុំឆេនកាន ឃុំគូទិន ឃុំឡុបិនចូរក្នុងទីក្រុងលុសុយ មណ្ឌលស្វយ័តជនជាតិលីស៊ូ នុចាំង ខេត្តយូណាន បានចាកចេញពីទីលំនៅដ្ឋានដែលធ្វើដោយឈើនិងឬស្សីហើយគ្មានការបិទបាំងខ្យល់និងទឹកភ្លៀងជាដើម ដើម្បីជួយឧបត្ថម្ភជនក្រីក្របានរើចូលទីលំនៅដ្ឋានថ្មីដែលស្ថិតនៅទីតាំងក្រោមរដ្ឋបាលឃុំសៀងចាំងឈ្មោះ ដាដុនជឹ ក្នុងការបើកទំព័រជីវិតថ្មីរបស់ពួកគេ។
ដើម្បីធ្វើឱ្យកូនៗរបស់ប្រជាជនក្រីក្រដែលរើទីលំនៅដ្ឋានអាចទៅសាលារៀនក្នុងចម្ងាយជិតនោះ គម្រោងកសាងពង្រីកមណ្ឌលបឋមសិក្សានិងអនុវិទ្យាល័យរបស់ឃុំសៀងចាំងជិតបានបញ្ចប់។ នាខែមីនា កូនៗរបស់ប្រជាជនក្រីក្រដែលរើទីលំនៅដ្ឋាននឹងអាចទៅសាលារៀនក្នុងដែលស្ថិតនៅជិតផ្ទះពួកគេ។
លំនៅដ្ឋានថ្មីនេះមានអគារស្នាក់នៅចំនួន១២អគារ ថែមទាំងមានអគារការិយល័យ១និងអគារវប្បធម៌និងកីឡា១ យ៉ាងណាក៏ដោយ ទោះបីជាមានការរៀបចំអាពាពិពាហ៍និងពិធីបុណ្យសព កម្មវិធីកម្សាន្តណាមួយក៏សុទ្ធតែមានទីតាំងគ្រប់គ្រាន់។
ទីក្រុងឡុសុយនឹងផ្តល់ឱកាសការងារដល់គ្រួសារដែលបានរើលំនៅដ្ឋានថ្មី ដើម្បីសម្រេចឱ្យបាននូវសមាជិកម្នាក់មានការងារធ្វើ ថែមទាំងរៀបចំវគ្គបណ្តុះបណ្តាលជំនាញ និងនាំយកនូវសហគ្រាសកែច្នៃដែលអាចស្រូបយកប្រជាជនជាង៨០០នាក់សម្រាប់ធ្វើការ ដើម្បីធ្វើឱ្យប្រជាជននៅទីនោះមានផ្ទះថ្មី និងមានវិធីបន្ថែមប្រាក់ចំណូលផងដែរ៕
អ្នកសារព័ត៌មាន៖ Li Shouhua
អ្នកបកប្រែ៖ លីហ្សា