កិច្ចពិគ្រោះពិភាក្សាជាន់ខ្ពស់ផ្នែកសេដ្ឋកិច្ចនិងពាណិជ្ជកម្មរវាងចិននិងអាមេរិកជុំទី៧ដែលកំពុងធ្វើនៅក្រុងវ៉ាស៊ីនតោន ទទួលបានការវិវឌ្ឍជាវិជ្ជមានលើវិស័យតុល្យាភាពពាណិជ្ជកម្ម កសិកម្ម ការផ្ទេរបច្ចេកវិទ្យា ការការពារកម្មសិទ្ធិបញ្ញា និងសេវាកម្មហិរញ្ញវត្ថុជាដើម ។ ក្នុងនោះ ទាក់ទិននឹងបញ្ហាស្តីពីការការបង្កើនកិច្ចការពារកម្មសិទិ្ធបញ្ញា ភាគីទាំងពីរចិននិងអាមេរិកបានឈានដល់គំនិតឯកភាពរួមកាន់តែច្រើនឡើងៗ ក្នុងឋានៈជាអង្គភាពសេដ្ឋកិច្ចកាន់លំដាប់ទីមួយនិងទីពីរនៅលើពិភពលោក ចិននិងអាមេរិកយ៉ាងហោចណាស់មានផលប្រយោជន៍ប្រសព្វគ្នា៣ចំណុចក្នុងបញ្ហានេះ ។
ទីមួយ បើនិយាយពីការលើកកម្ពស់កម្លាំងប្រកួតប្រជែងផ្នែកសេដ្ឋកិច្ច កិច្ចការពារកម្មសិទ្ធិបញ្ញាជាតម្រូវការនិងការទាមទារដូចគ្នារបស់ចិននិងអាមេរិក ។
ទីពីរ បើនិយាយពីប្រព័ន្ធសេដ្ឋកិច្ចនិងពាណិជ្ជកម្មអន្តរជាតិ កិច្ចការពារកម្មសិទ្ធិបញ្ហាបានក្លាយជាលក្ខណៈសម្បតិ្តដ៏ចាំបាច់ទៅហើយ ។
ទី៣ បើនិយាយពីទំនាក់ទំនងផ្នែកសេដ្ឋកិច្ចនិងពាណិជ្ជកម្មរវាងចិននិងអាមេរិក គួរតែបង្កើនកិច្ចការពារកម្មសិទ្ធបញ្ញាដល់គ្នាទៅវិញទៅមក។
សហរដ្ឋអាមេរិកបានទាមទារឲ្យប្រទេសចិនបង្កើនកិច្ចការពារកម្មសិទ្ធបញ្ញារបស់សហគ្រាសអាមេរិកដែលធ្វើអាជីវកម្មនៅប្រទេសចិន តាមពិត គឺស្របជាមួយនឹងទិសដៅកំណែទម្រង់និងបើកទូលាយរបស់ប្រទេសចិន ។ ក្នុងពេលជាមួយគ្នានេះ ទន្ទឹមនឹងសហគ្រាសចិនកាន់តែច្រើនឡើងៗបានទៅធ្វើអាជីវកម្មនៅឯនាយសមុទ្រ ប្រទេសចិនក៏សង្ឃឹមឲ្យសហគមន៍អន្តរជាតិបង្កើនកិច្ចការពារកម្មសិទ្ធបញ្ញារបស់សហគ្រាសចិនផងដែរ។
បច្ចុប្បន្ន ក្រុមសេដ្ឋកិច្ចនិងពាណិជ្ជកម្មរបស់ភាគីទាំងពីរចិននិងអាមេរិកកំពុងខំប្រឹងធ្វើកិច្ចពិគ្រោះពិភាក្សាយ៉ាងមមាញឹក ដើម្បីជំរុញការអនុវត្តគំនិតឯកភាពសំខាន់ៗរបស់ប្រមុខរដ្ឋនៃប្រទេសទាំងពីរ៕
អ្នកបកប្រែ：Guo Xiangqing