លោក Lu kang អ្នកនាំពាក្យក្រសួងការបរទេសចិនបានថែ្លងនៅក្រុងប៉េកាំងកាលពីថ្ងៃទី ២៦ ខែកុម្ភៈ ថា បច្ចេកវិទ្យាផែ្នកទូរគមនាគមន៍ចល័តជំនាន់ទី ៥ គឺជាលទ្ធផលនៃការផ្លាស់ប្តូរនិងកិច្ចសហប្រតិបត្តិការរវាងបណ្តាប្រទេសនានាក្នុងបរិបទនៃសកលភាវូបនីយកម្មនិងជាសមិទ្ធផលនៃការច្នៃប្រឌិតថ្មីរួមផែ្នកបច្ចេកវិទ្យាខ្ពស់នៃសហគមន៍អន្តរជាតិ។ការវិនិច្ឆ័យនិងគោលនយោបាយនៃបណ្តាប្រទេសនានាគួរតែផ្អែកទៅលើការពិត។
លោក Lu kang បានថែ្លងទៀតថា ភាគីចិនជឿជាក់ថា ការធានារក្សានូវកិច្ចសហប្រតិបត្តិការពហុភាគីដែលផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះនិងការធានារក្សានូវបរិយាកាសទីផ្សារដែលប្រកបដោយភាពបើកទូលាយនិងបរិយាប័ន្ន គឺសមស្របនឹងផលប្រយោជន៍ជាមូលដ្ឋានរបស់ភាគីនានា។ភាគីចិនក៏ជឿជាក់ថា ភាគីនានានឹងធ្វើការជ្រើសរើសឲ្យបានត្រឹមត្រូវដោយឯករាជ្យដែលសមស្របនឹងផលប្រយោជន៍របស់ខ្លួននិងនិន្នាការនៃយុគសម័យ៕