ថ្ងៃទី១៣ខែមីនា មហាសន្និបាតប្រចាំឆ្នាំនៃស្ថាប័នប្រឹក្សានយោបាយកំពូលរបស់ចិនបានបិទបញ្ចប់នៅក្រុងប៉េកាំង ។ ថ្នាក់ដឹកនាំនៃបក្សនិងរដ្ឋចិនមានលោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិនជាដើមបានអញ្ជើញចូលរួមពិធីបិទសន្និសីទ ។
លោកវ៉ាងយ៉ាង ប្រធានសភាប្រឹក្សានយោបាយប្រជាជនទូទាំងប្រទេសចិនបានថ្លែងសុន្ទរកថាថា ឆ្នាំ២០១៩នេះជាខួបទី៧០នៃការបង្កើតសាធារណរដ្ឋប្រជាមានិតចិន ។ ក្នុងរយៈពេល៧០ឆ្នាំកន្លងមកនេះ សភាប្រឹក្សានយោបាយប្រជាជនទូទាំងប្រទេសចិនបានអនុវត្តជាក់ស្តែងនូវការកសាងប្រទេសចិនថ្មីនិងសម្រេចសុបិនប្រទេសចិន និងបង្កើតគុណូបការប្រវត្តិសាស្ត្រ ។ ទន្ទឹមនឹងសង្គមនិយមដ៏មានលក្ខណៈពិសេសចិនចូលក្នុងយុគសម័យថ្មី សភាប្រឹក្សានយោបាយប្រជាជនទូទាំងប្រទេសចិនមានភារកិច្ចកាន់តែសំខាន់ដែលចាំបាច់ រីកចម្រើនទៅមុខឥតឈប់ឈរ ។
មហាសន្និបាតលើកទីពីរនៃសភាប្រឹក្សានយោបាយប្រជាជនទូទាំងប្រទេសចិននីតិកាលទី១៣មានរយៈពេល១១ថ្ងៃ មានសមាជិកសភាប្រឹក្សានយោបាយចំនួនជាង២១០០រូបមកពីបក្សសហគមន៍នានា គ្រប់ជនជាតិនិងគ្រប់មជ្ឈដ្ឋានរបស់ចិនបានចូលរួមមហាសន្និបាតនេះ ។