លោក ស៊ីជីនភីង ប្រធានរដ្ឋចិនជួបពិភាក្សាការងារជាមួយព្រះអង្គម្ចាស់ Albert Ⅱព្រះប្រមុខរដ្ឋម៉ូណាកូ
លោក ស៊ីជីនភីង ប្រធានរដ្ឋចិនបានជួបពិភាក្សាការងារជាមួយព្រះអង្គម្ចាស់ Albert Ⅱព្រះប្រមុខរដ្ឋម៉ូណាកូកាលពីថ្ងៃទី ២៤ ខែមីនា។
ថែ្លងក្នុងកិច្ចជំនួប លោក ស៊ីជីនភីង បានចង្អុលបង្ហាញថា ចាប់តាំងពីការបង្កើតទំនាក់ទំនងការទូតរវាងចិននិងម៉ូណាកូអស់រយៈពេលជាង ២០ ឆ្នាំមក ភាគីទាំងពីររក្សាជានិច្ចនូវភាពស្មោះត្រង់ មេត្រីភាពនិងទំនាក់ទំនងដោយស្មើភាព។បច្ចុប្បន្ននេះ ទំនាក់ទំនងទ្វេភាគីរវាងប្រទេសចិននិងម៉ូណាកូបានអភិវឌ្ឍជាបន្តបន្ទាប់ ជាពិសេស កិច្ចសហប្រតិបត្តិការក្នុងវិស័យថ្មី ដូចជា ការការពារបរិស្ថាន ទូរគមនាគមន៍និងការទូទាត់ចល័តជាដើមកំពុងស្ថិតនៅជួរមុខនៃកិច្ចសហប្រតិបត្តិការរវាងចិននិងសហភាពអឺរ៉ុប។
លោក ស៊ីជីនភីង បានសង្កត់ធ្ងន់ថា ប្រទេសចិនស្វាគមន៍ម៉ូណាកូចំពោះការចូលរួមយ៉ាងសកម្មក្នុងកិច្ចសហប្រតិបត្តិការអន្តរជាតិស្តីពីគំនិតផ្តួចផ្តើម"ខ្សែក្រវាត់មួយនិងផ្លូវមួយ"។ភាគីទាំងពីរគួរតែបង្កើនកម្រិតនៃកិច្ចសហប្រតិបត្តិការលើការពារបរិស្ថានរវាងប្រទេសទាំងពីរ។ភាគីចិនស្វាគមន៍មូលនិធិព្រះអង្គម្ចាស់ចំពោះការអនុវត្តសកម្មភាពសុខុមាលភាពសាធារណៈនៅក្នុងប្រទេសចិននិងបន្តបង្កើនខ្លឹមសារនៃការផ្លាស់ប្តូរផែ្នកវប្បធម៌មនុស្សជាតិ។
ជាការឆ្លើយតប ព្រះអង្គម្ចាស់ Albert Ⅱបានមានប្រសាសន៍ថា ទំនាក់ទំនងរវាងប្រទេសទាំងពីរបានទទួលការអភិវឌ្ឍយ៉ាងល្អប្រសើរ។ប្រទេសម៉ូណាកូមានឆន្ទៈក្នុងការធ្វើកិច្ចសហប្រតិបត្តិការជាមួយប្រទេសចិនក្នុងវិស័យ ដូចជាវិទ្យាសាស្ត្រនិងបច្ចេកវិទ្យា ការច្នៃប្រឌិតថ្មី បរិស្ថាន ការការពារសត្វព្រៃនិងថាមពលកកើតឡើងវិញជាដើម។ប្រទេសម៉ូណាកូបានកោតសរសើរនិងវាយតម្លៃខ្ពស់ចំពោះតួនាទីដ៏សំខាន់របស់ប្រទេសចិននៅក្នុងកិច្ចការអន្តរជាតិ ដូចជា បម្រែបម្រួលអាកាសធាតុ ក៏ដូចជាគាំទ្រនិងជូនពរឲ្យព្រឹត្តិការណ៍កីឡាអូឡាំពិករដូវរងាក្រុងប៉េកាំងឆ្នាំ ២០២២ នឹងទទួលបាននូវភាពជោគជ័យ៕
អ្នកបកប្រែ：Wei Wei