លោកប្រាក់សុខុនឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសនិងសហប្រតិបត្តិការកម្ពុជាបានផ្ញើលិខិតអបអរសាទរចំពោះការចាប់ដំណើរការនៃសប្តាហ៍ទន្លេឡានឆាង-មេគង្គឆ្នាំ២០១៩នាពេលកន្លងទៅនេះ។លោកបានថ្លែងថា គ្រប់ភាគីនានាបានយល់ឃើញថា យន្តការនេះនឹងបន្តទទួលនូវភាពជោគជ័យថ្មីឥតឈប់ឈរក្រោមការព្រមព្រៀងគ្នាកម្រិតខ្ពស់នៃប្រទេសនានា។
លោកប្រាក់សុខុនបន្តថា កម្ពុជាមានកិត្តិយសខ្លាំងណាស់ក្នុងការដើរតួនាទីយ៉ាងវិជ្ជមានក្នុងរយៈពេលដំបូងនៃការចាប់ផ្តើមយន្តការសហប្រតិបត្តិការទន្លេឡានឆាង-មេគង្គ។កម្ពុជាយល់ឃើញជានិច្ចថា យន្តការនេះនឹងដើរតួនាទីយ៉ាងសំខាន់ដល់ប្រទេសកម្ពុជានិងប្រទេសតាមបណ្តោយទន្លេមេគង្គដែលកំពុងផ្តោតសំខាន់ទៅលើការពង្រឹងសន្តិភាព ការអភិវឌ្ឍជានិរន្តរភាពនិងវិបុលភាពរួមគ្នា។
យន្តការសហប្រតិបត្តិការទន្លេឡានឆាង-មេគង្គជាវេទិកាសហប្រតិបត្តិការអនុតំបន់បែបថ្មីដែលបង្កើតឡើងដោយប្រទេសតាមបណ្តោយទន្លេឡានឆាង-មេគង្គចំនួន៦គឺចិនកម្ពុជា ឡាវ មីយ៉ាន់ម៉ា ថៃនិងវៀតណាម។
អ្នកបកប្រែ：Ma Xiaoqing