យុវជននៃប្រទេសចំនួន៦ជួបជុំគ្នានៅទីក្រុងគុនមីញខេត្តយូណាន ដើម្បីចូលរួមសកម្មភាពសបា្តហ៍ឡានឆាង-មេគង្គ

នាថ្ងៃទី២៣ ខែមីនា  សបា្តហ៍នៃប្រទេសតាមបណ្តោយទន្លេឡានឆាង-មេគង្គឆ្នាំ២០១៩និងសកម្មភាពពាក់ព័ន្ធ　ទិវាអន្តរជាតិនៃសាកលវិទ្យាល័យយូណានមីញហ្សូរ ត្រូវបានរៀបចំនៅសាកលវិទ្យាល័យយូណានមីញហ្សូរសាខាឆេងកុង។

សកម្មភាពលើកនេះ  ជាផ្នែកសំខាន់នៃសបា្តហ៍នៃប្រទេសតាមបណ្តោយទន្លេឡានឆាង-មេគង្គ  ដែលផ្តោតសំខាន់រួមមានការសម្តែងចម្រៀងនិងរបាំដោយនិស្សិតមកពីប្រទេសតាមបណ្តោយទន្លេឡានឆាង-មេគង្គ  សកម្មភាពរត់តាមសាលា និងពិព័រណ៍ស្នាដៃនិស្សិតនៃមហា​វិទ្យាល័យវិជ្ជាជីវអន្តរជាតិទន្លេឡានឆាង-មេគង្គ  ពិព័រណ៍រូបភាពលទ្ធផលនៃកិច្ចសហប្រតិបត្តិការទន្លេឡានឆាង-មេគង្គជាដើម។ 

សកម្មភាពរត់តាមសាលាបានទាក់ទាញនិស្សិតបន្តការសិក្សានៅបរទេសចំនួនជាង២០០នាក់ចូលរួមយ៉ាងសកម្ម  ពួកគេមានមកពីប្រទេសតាមបណ្តោយទន្លេឡានឆាង-មេគង្គដូចជា ប្រទេសចិន ឡាវ វៀតណាម ថៃ មីយ៉ាន់ម៉ានិងកម្ពុជាជាដើម  រួមទាំងមានមកពីប្រទេសស្រីលង្កាប៉ាគីស្ថាននិងឥណ្ឌាជាដើម។

តាំងពីថ្ងៃនោះរហូតដល់ថ្ងៃទី១០ ខែឧសភា ផ្តោតសំខាន់ទៅលើនិស្សិតបរទេស  សាកលវិទ្យាល័យយូណានមីញហ្សូរបានរៀបចំសកម្មភាពប្រមូលរឿងក្រោមប្រធានបទ និយាយរឿងប្រទេសតាមបណ្តោយទន្លេឡានឆាង-មេគង្គ  បញ្ជាក់មិត្តភាពរវាងប្រទេសតាមបណ្តោយទន្លេឡានឆាង-មេគង្គ  ដែលមានក្តីសង្ឃឹមថា  ឆ្លងកាត់ការរៀបរាប់និងការចែករំលែករឿង  អាចបង្កើនការផ្លាស់ប្តូររវាងយុវជនប្រទេសនានានិងជម្រុញមិត្តភាពនៃប្រទេសតាមបណ្តោយទន្លេឡានឆាង-មេគង្គ។

　យោងតាមដំណឹងបានឱ្យដឹងថា  តាំងពីឆ្នាំ២០១៧មក មហាវិទ្យាល័យនេះបានតភ្ជាប់ឧត្តុមានុភាពរបស់សាលា  តាមគោលដៅបណ្តុះបណ្តាលគឺ ជំនាញ+ភាសានៃប្រទេសតាមបណ្តោយទន្លេមេគង្គ　ដើម្បីបណ្តុះបណ្តាលធនធានមនុស្សជំនាញ។  បច្ចុប្បន្ននេះ  មហាវិទ្យាល័យនេះមាននិស្សិតសិក្សាចំនួន៥៤៦នាក់។ ឆ្នាំ២០១៨  សាកលវិទ្យាល័យយូណានមីញហ្សួរបានរៀបចំ　អាហារូបករណ៍និស្សិតប្រទេសតាមបណ្តោយទន្លេមេគង្គ។  ឆ្លងកាត់គម្រោងអាហារូបករណ៍នេះ  បានប្រមូលនិស្សិតនៃប្រទេសតាមបណ្តោយទន្លេមេគង្គចំនួន១០៩នាក់៕

អ្នកសារព័ត៌មាន៖ Han Chengyuan Chen Yixi លីហ្សា

ប្រភពរូបថត៖ លីហ្សា

អ្នកបកប្រែ៖ លីហ្សា