យុវជនជនជាតិហ្សាងបង្កើតអាជីវកម្មដោយខ្លួនឯង៖ ការអភិវឌ្ឍស្រាតាមរយៈការបន្តវេននិងការកំណែទម្រង់

ក្រោយពីលោក  Sinuoluojieដែលមានអាយុ៣២ឆ្នាំបានបញ្ចប់សិក្សាពីសាកលវិទ្យាល័យមួយនៅទីក្រុងគុនមីញកាលពី៨ឆ្នាំមុន  លោកបានត្រឡប់ទៅទីក្រុងសាំងគឺលីឡានៃមណ្ឌលស្វយ័តជនជាតិហ្សាងឌីឆេងខេត្តយូណានវិញ  ដើម្បីស្នងអាជីពដូនតាគឺការធ្វើស្រា Highland Barlay​​។

 ក្នុងអំឡុងពេលសិក្សានៅសាកលវិទ្យាល័យ  គាត់បានចុះបញ្ជីស្លាកយីហោសម្រាប់ស្រា Highland Barlay​​របស់គ្រួសារខ្លួន។  ក្រោយពីលោក  Sinuoluojie　ត្រឡប់ទៅស្រុកកំណើតវិញ  គាត់បានធ្វើការកំណែទម្រង់មួយគឺ ការថែរក្សាបច្ចេកទេសប្រពៃណីជាស្នូលនៃការបិតស្រា Highland Barlay  ថែមទាំងទិញបរិក្ខារដើម្បីជំនួសដំណាក់កាលចាស់ដែលចំណាយពេលវេលាយូរ  ជាងនេះទៅទៀត  ការនាំមកនូវដៃគូសហប្រតិបត្តិការ  និងរចនាថ្មីសម្រាប់ការវេចខ្ចប់ស្រា Highland Barlay​​។

បច្ចុប្បន្ននេះ  រោងចក្រស្រាចាស់បានបង្ហាញកម្លាំងរស់រវើក  គុណភាពល្អដដែល  តែបរិមាណផលិតបានពីរយគីឡូឡើងដល់ពាន់គីឡូ  ព្រមទាំងមានការកុម៉្មង់ជាច្រើនផងដែរ។  លោក  Sinuoluojieនិយាយថា  ទាំងអស់នេះសុទ្ធតែពឹងផ្អែកលើកបច្ចេកវិទ្យាថ្មីនិងវិធីសាស្ត្រផ្សព្វផ្សាយថ្មី   អ្វីដែលសំខាន់បំផុតក្នុងចិត្តខ្ញុំគឺ កុំបំបាត់បច្ចេកទេសប្រពៃណីល្អបំផុតនិងយកចិត្តទុកដាក់លើគុណភាពស្រា៕

ប្រភពរូបថត៖ Liu Ranyang

អ្នកបកប្រែ៖ លីហ្សា