ថ្ងៃទី៣១ខែមីនា លោកស៊ីជីនភីងប្រធានរដ្ឋចិនបានផ្ញើសារជូនចំពោះលោកEssebsiប្រធានាធិបតីទុយនីស៊ីដែលជាប្រធានផ្លាស់វេននៃសន្និសីទក្រុមប្រឹក្សាកំពូលនៃសម្ព័ន្ធអារ៉ាប់ ដើម្បីជូនពរចំពោះការបើកធ្វើសន្និសីទក្រុមប្រឹក្សាកំពូលនៃសម្ព័ន្ធអារ៉ាប់លើកទី៣០នៅក្រុងទុយនីស៊ី ។
ថ្លែងក្នុងសារជូនពរ លោកស៊ីជីនភីងបានលើកឡើងថា សម្ព័ន្ធអារ៉ាប់បានធ្វើកិច្ចខិតខំប្រឹងប្រែងដើម្បីជំរុញសន្តិភាព ស្ថិរភាពនិងការអភិវឌ្ឍនៃតំបន់មជ្ឈិមបូព៌ា សម្ព័ន្ធអារ៉ាប់ក៏បានផ្តួចផ្តើមគំនិតយ៉ាងសកម្មឲ្យដោះស្រាយបញ្ហាចំណុចក្តៅតាមវិធីនយោបាយ ក៏ដូចជាបានធ្វើការខិតខំប្រឹងប្រែងឥតឈប់ឈរដើម្បីធ្វើឲ្យពិភពអារ៉ាប់សម្រេចភាពខ្លាំងក្លាជាមួយគ្នា ខ្ញុំសូមសម្តែងការកោតសរសើរខ្ពស់ចំពោះប្រការនេះ ។ ប្រទេសចិនរីករាយប្រកៀកស្មាគ្នាជាមួយសម្ព័ន្ធអារ៉ាប់ ដើម្បីបង្កើនកិច្ចកសាងទំនុកចិត្តជាយុទ្ធសាស្រ្តទៅវិញទៅមក ជំរុញកិច្ចសហប្រតិបត្តិការជាក់ស្តែង ធ្វើឲ្យមានភាពស្អិតល្មួតនូវការផ្លាស់ប្តូរផ្នែកវប្បធម៌មនុស្សជាតិ អនុវត្តសេចក្តីប្រកាសស្តីពីប្រតិបត្តិការរួមគ្នាកសាងខ្សែក្រវាត់មួយនិងផ្លូវមួយរវាងចិននិងសម្ព័ន្ធអារ៉ាប់ ក៏ដូចជារួមគ្នាត្រួសត្រាយអនាគតកាន់តែល្អប្រសើរនៃទំនាក់ទំនងភាពជាដៃគូយុទ្ធសាស្រ្តរវាងចិននិងសម្ព័ន្ធអារ៉ាប់ ក្នុងន័យរួមចំណែកក្នុងការជំរុញការបង្កើតសហគមន៍រួមវាសនាតែមួយរបស់មនុស្សជាតិ៕
អ្នកបកប្រែ：Zhen Lei