សន្និសីទកំពូលអំពីកិច្ចកសាងប្រទេសចិនឌីជីថលលើកទី២នឹងបើកធ្វើនៅក្រុងហ្វូចូវខេត្តហ្វូជានប្រទេសចិនពីថ្ងៃទី៦ដល់៨ខែឧសភាខាងមុខ។ បច្ចុប្បន្ន មានសមាជិកបណ្ឌិត្យសភាវិទ្យាសាស្ត្រចិននិងបណ្ឌិត្យសភាវិស្វកម្មចិនជាង៤០រូប ព្រមនិងតំណាងនៃសហគ្រាសឈានមុខខាងវិស័យសេដ្ឋកិច្ចឌីជីថលរបស់ប្រទេសចិនមួយចំនួន ដូចជា ក្រុមហ៊ុនHuawei Baidu AlibabaនិងTencentជាដើមបានបញ្ជាក់ថានឹងចូលរួមសន្និសីទលើកនេះ។
តាមការឧទ្ទេសនាមឲ្យដឹងថា សន្និសីទកំពូលលើកទី១ដែលបានបើកធ្វើនៅខេត្តហ្វូជានកាលពីឆ្នាំ២០១៨បានតភ្ជាប់ជាមួយគម្រោងសំខាន់ៗផ្នែកសេដ្ឋកិច្ចឌីជីថលចំនួន៤០០គម្រោងនិងមានទំហំវិនិយោគសរុបប្រមាណ៣សែនលានយាន់ប្រាក់ចិនដែលគ្របដណ្តប់លើវិស័យជាច្រើនដូចជាបណ្តាញអ៊ីនធើណេត អ៊ីនធើណេតទំនិញ ទិន្នន័យធំ ភាពឆ្លាតវៃសិប្បនិមិត្តនិងបន្ទះឈីបជាដើម ។ សន្និសីទកំពូលលើកនេះនឹងធ្វើការពិគ្រោះពិភាក្សាកាន់តែស៊ីជម្រៅផ្នែកបច្ចេកទេសនិងគម្រោង ដើម្បីជំរុញឲ្យរដ្ឋបាលតំបន់នានា អង្គការសង្គមនិងសហគ្រាសគ្រប់ប្រភេទធ្វើកិច្ចសហប្រតិបត្តិការយ៉ាងស៊ីជម្រៅ៕
អ្នកបកប្រែ:Zheng Lei