លោកស៊ីជីនភីងប្រធានរដ្ឋចិនថ្លែងអំពីការអភិវឌ្ឍវិស័យព័ត៌មានបណ្តាញអ៊ីនធឺណេតនិងសន្តិសុខបណ្តាញអ៊ីនធឺណេតរបស់ប្រទេសចិនថា បណ្តាញអ៊ីនធឺណេតនឹងបានដើរតួនាទីយ៉ាងសំខាន់ !
ថ្ងៃទី ១៩ ខែ មេសា កាលពីបីឆ្នាំមុន លោកស៊ីជីនភីងប្រធានរដ្ឋចិនបានអញ្ជើញជាអធិបតីក្នុងកិច្ចប្រជុំស្តីពីការអភិវឌ្ឍព័ត៌មានភាវូបនីយកម្មនិងសន្តិសុខបណ្តាញអ៊ីនធឺណេតរបស់ប្រទេសចិន និងថ្លែងសុន្ទរកថាដ៏គន្លឹះ ។ លោកបានថ្លែងយ៉ាងស្មោះត្រង់ថា លោកមានគោលបំណងរៀបចំកិច្ចប្រជុំនេះជាយូរមកហើយ ។ ក្នុងកិច្ចប្រជុំនេះ លោកបានផ្តោតទៅលើបញ្ហាស្នូលជាច្រើន ដូចជា អេកូឡូស៊ីបណ្តាញអ៊ីនធឺណេត បច្ចេកទេសស្នូលជាដើម ដើម្បីកំណត់ច្បាស់នូវទិសដៅសម្រាប់ការជំរុញការកសាងប្រទេសខ្លាំងក្លាខ្លាំងបណ្តាញអ៊ីនធឺណេត និងជំរុញការអភិវឌ្ឍវិស័យព័ត៌មានវិទ្យារបស់ប្រទេសចិន ។
បើប្រទេសចិនចង់មានការអភិវឌ្ឍថ្មីនោះ ត្រូវឲ្យបណ្តាញអ៊ីនធឺណេតដើរតួនាទីសំខាន់
ទន្ទឹមនឹងការអនុវត្តផែនការប្រតិបត្តិអំពី”អ៊ីនធឺណេតបូក” អនុបាតនៃសេដ្ឋកិច្ចព័ត៌មានវិទ្យាមានភាគរយកើនឡើងជាបន្តបន្ទាប់ក្នុងផលិតផលក្នុងស្រុកសរុប ៕
លោកស៊ីជីនភីងបានលើកឡើងថា ប្រទេសចិនត្រូវបង្កើនកិច្ចកសាងហេដ្ឋារចនាសម្ព័ន្ធព័ត៌មានវិទ្យា ខំប្រឹងជំរុញការអភិវឌ្ឍដោយរួមបញ្ចូលគ្នាយ៉ាងស៊ីជម្រៅរវាងបណ្តាញអ៊ីនអឺណេតនិងតួអង្គសេដ្ឋកិច្ចពិត ដើម្បីជំរុញឲ្យប្រព័ន្ធព័ត៌មានដើរតួនាទីក្នុងការជំរុញប្រព័ន្ធបច្ចេកវិទ្យា ប្រព័ន្ធប្រាក់ទុន ប្រព័ន្ធធនធានមនុស្សនិងប្រព័ន្ធទំនិញ ក៏ដូចជាដើរតួនាទីយ៉ាងសកម្មក្នុងការកែប្រែបែបផែនអភិវឌ្ឍន៍សេដ្ឋកិច្ចនិងកែសម្រួលរចនាសម្ព័ន្ធសេដ្ឋកិច្ច ។
ក្តីបំណងប្រជាជនត្រូវបង្ហាញតាមបណ្តាញអ៊ីនធឺណេត
គិតរហូតដល់បច្ចុប្បន្ន អ្នកប្រើបណ្តាញអ៊ីនធឺណេតចិនបានឡើងដល់៨រយ២៩លាននាក់ ។
លោកស៊ីជីនភីងបានលើកឡើងក្នុងសន្និសីទលើកនេះថា ប្រជាជនបានប្រើបណ្តាញអ៊ីនធឺណេត មានន័យថាក្តីបំណងរបស់ប្រជាជនក៏បានបង្ហាញលើបណ្តាញអ៊ីនធឺណេតដែរ ។ លោកតម្រូវឲ្យកម្មាភិបាលដឹកនាំគ្រប់ជាន់ថ្នាក់ឧស្សាហ៍ប្រើបណ្តាញអ៊ីនធឺណេត ដើម្បីឆ្លើយតបយ៉ាងសកម្មនូវការយកចិត្តទុកដាក់របស់ប្រជាជន ។ ទាក់ទិននឹងការរិះគន់ក្នុងបំណងល្អនិងការត្រួតពិនិត្យចំពោះសុវត្ថិភាពនៃការប្រើបណ្តាញអ៊ីនធឺណេត មិនថាលើកឡើងចំពោះការងារបក្សនិងរដ្ឋាភិបាលក្តី ឬក៏សំដៅទៅរកបុគ្គលកម្មាភិបាលក្តី គឺមិនត្រឹមតែត្រូវស្វាគមន៍ប៉ុណ្ណោះទេ ថែមទាំងត្រូវសិក្សាឲ្យបានម៉ត់ចត់និងទុកជាមេរៀនទៀតផង៕
បច្ចេកទេសស្នូលគន្លឹះជាផ្នែកសំខាន់បំផុតរបស់ប្រទេសចិន
ក្នុងឋានៈជាអង្គភាពសេដ្ឋកិច្ចធំទី២លើពិភពលោក គម្លាតធំបំផុតរវាងប្រទេសចិននិងកម្រិតជឿនលឿនលើពិភពលោកគឺបច្ចេកទេសគន្លឹះ។
លោកស៊ីជីនភីងប្រធានរដ្ឋចិនបានលើកឡើងថា សហគ្រិន អ្នកជំនាញ បុគ្គលិកបច្ចេកវិទ្យានៅប្រទេសចិនត្រូវខិតខំអភិវឌ្ឍសមិទ្ធផលថ្មីលើវិស័យបច្ចេកទេសគន្លឹះក្នុងពេលឆាប់ៗ។
ទន្ទឹមនឹងនេះ លោកក៏បានលើកឡើងទៀតថា ត្រូវលើកទឹកចិត្តនិងគាំទ្រឲ្យសហគ្រាសព័ត៌មានបណ្តាញអ៊ីនធឺណែតប្រទេសចិនទៅបណ្តាក់ទុននៅបរទេស ដើម្បីធ្វើឲ្យកិច្ចសហប្រតិបត្តិការនិងការផ្លាស់ប្តូរអន្តរជាតិតាមបណ្តាញអ៊ីនធឺណែតមានភាពកាន់តែស៊ីជម្រៅ ក៏ដូចជាស្វាគមន៍សហគ្រាសបណ្តាញអ៊ីនធឺណែតបរទេសដែលគោរពច្បាប់របស់ប្រទេសចិនមកបណ្តាក់ទុននៅប្រទេសចិនផងដែរ។
ប្រទេសចិនត្រូវគាំពារសន្តិសុខបណ្តាញអ៊ីនធើណែតយ៉ាងប្រាកដប្រជា
ហេដ្ឋារចនាសម្ព័ន្ធព័ត៌មានគន្លឹះនៃវិស័យហិរញ្ញវត្ថុ ថាមពលអគ្គិសនីនិងទូរគមនាគមន៍ជាដើមជាផ្នែកគន្លឹះក្នុងការដំណើរការនៃសេដ្ឋកិច្ចនិងសង្គមកិច្ច និងជាចំណែកដ៏សំខាន់មួយនៃសន្តិសុខបណ្តាញអ៊ីនធើណែត។
លោកស៊ីជីនភីងបានគូសបញ្ជាក់ថា ប្រទេសចិនត្រូវពន្លឿនកិច្ចកសាងប្រព័ន្ធធានាសន្តិសុខហេដ្ឋារចនាសម្ព័ន្ធព័ត៌មានគន្លឹះ ហើយចាំបាច់ត្រូវសិក្សាស្រាវជ្រាវយ៉ាងស៊ីជម្រៅ ដើម្បីការពារសន្តិសុខនៃហេដ្ឋារចនាសម្ព័ន្ធព័ត៌មានគន្លឹះរបស់ប្រទេសជាតិ។
សហគ្រាសបណ្តាញអ៊ីនធើណែតចិនត្រូវតែមានទំនួលខុសត្រូវ
លោកស៊ីជីនភីងបានគូសបញ្ជាក់ថា ត្រូវតែធ្វើឱ្យរបៀបរៀបរយនិងសណ្តាប់ធ្នាប់នៃទីផ្សារមានបទដ្ឋាន ត្រូវពន្លឿនដំណើរតាក់តែងច្បាប់នៃបណ្តាញអ៊ីនធើណែត ព្រមនិងធ្វើឱ្យល្អពេញលេញនូវវិធានការត្រួតពិនិត្យនិងគ្រប់គ្រងតាមច្បាប់។ សហគ្រាសកាន់តែធំ នោះក៏មានទំនួលខុសត្រូវខាងសង្គមនិងសីលធម៌កាន់តែធំដែរ។ សហគ្រាសបណ្តាញអ៊ីនធើណែតត្រូវតែតបស្នងសងគុណចំពោះសង្គមជាតិនិងផ្តល់សុខុមាលកិច្ចដល់ប្រជាជន។
៣ ឆ្នាំបន្ទាប់ពីសុន្ទរកថា ១៩មេសា ប្រទេសចិនបានចាត់វិធានការជាច្រើនដើម្បីជំរុញការអភិវឌ្ឍ៖
-ដាក់ចេញ “គោលការណ៍យុទ្ធសាស្ត្រស្តីពីការអភិវឌ្ឍព័ត៌មានភាវូបនីយកម្មរបស់រដ្ឋ ” ក្នុងន័យគ្រោងផែនការអភិវឌ្ឍន៍ភ្នែកព័ត៌មានវិទ្យារបស់រដ្ឋក្នុងរយៈពេល១០ឆ្នាំនាពេលអនាគត ។
-ដាក់ចេញ “យុទ្ធសាស្ត្រសន្តិសុខនៃបណ្តាញអ៊ីនធឺណែតរបស់រដ្ឋ ” ក្នុងន័យគាំពារអធិប្បតេយ្យភាព សនិ្តសុខនិងផលប្រយោជន៍នៃការអភិវឌ្ឍរបស់រដ្ឋតាមបណ្តាញអ៊ីនធឺណែត ។
- ដាក់ចេញ “ច្បាប់សនិ្តសុខបណ្តាញអ៊ីនធឺណែត ” ដែលជាច្បាប់មូលដ្ឋានទីមួយលើវិស័យសនិ្តសុខបណ្តាញអ៊ីនធឺណែតរបស់ប្រទេសចិន ។
- ក្នុងលក្ខន្តិកៈទូទៅនៃច្បាប់រដ្ឋប្បវេណី បានកំណត់យ៉ាងច្បាស់អំពីការការពារព័ត៌មាន តួលេខ និងទ្រព្យសម្បតិ្តសិប្បនិម្មិតរបស់បុគ្គលជាដើម ។
៣ឆ្នាំបន្ទាប់ពីសុន្ទរកថា ១៩ មេសា ផែនការយុទ្ធសាស្ត្រ វិធានការនិងគោលនយោបាយមួយចំនួនបានត្រូវដាក់ចេញជាបន្តបន្ទាប់ ក្នុងគោលបំណងជំរុញការអភិវឌ្ឍនៃព័ត៌មានវិទ្យារបស់ប្រទេសចិន ហេតុនេះហើយបានជាក្នុងដំណើរកសាងប្រទេសចិនឲ្យក្លាយជាប្រទេសខ្លាំងពូកែខាងបណ្តាញអ៊ីនធឺណែត គឺមានការធានារ៉ាប់រងកាន់តែរឹងមាំពីប្រព័ន្ធច្បាប់ ៕
អ្នកបកប្រែ：Wang Xing