រសៀលថ្ងៃទី ១៩ ខែមេសា ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានធ្វើសិក្ខាសាលាសិក្សាស្រាវជ្រាវលើកទី១៤អំពីអត្ថន័យប្រវត្តិសាស្ត្រនិងតម្លៃក្នុងយុគសម័យរបស់ចលនា៤ឧសភា ។ លោក ស៊ី ជីនភីង ប្រធានរដ្ឋចិនអញ្ជើញធ្វើជាអធិបតីព្រមទាំងបានថ្លែងសុន្ទរកថា ដោយបានគូសបញ្ជាក់ថា ចលនា៤ ឧសភាជាព្រឹតិ្តការណ៍ធំនិងសំខាន់ដែលមានសារៈសំខាន់ជានិមិត្តសញ្ញាក្នុងប្រវតិ្តសាស្ត្រសម័យទំនើប ស្មារតីចលនា៤ ឧសភាជាទ្រព្យសម្បតិ្តខាងស្មារតីដ៏មានតម្លៃដែលចលនា៤ឧសភាបានបង្កើតឡើង ។ ថ្ងៃនេះ យើងរំលឹកចលនា៤ ឧសភា ផ្សព្វផ្សាយស្មារតី៤ ឧសភា ចាំបាច់ត្រូវបង្កើនការស្រវាជ្រាវអំពីចលនា៤ឧសភាព និងស្មារតី៤ ឧសភា ក្នុងន័យជំរុញនិងណែនាំឲ្យយុវជនដ៏ច្រើនកុះករធ្វើការតស៊ូឥតស្រាកស្រាន្តនៅក្រោមការលើកទឹកចិត្តពីស្មារតី៤ ឧសភា ដើម្បីយកជ័យជម្នះក្នុងកិច្ចកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ និងដណ្តើមយកជ័យជម្នះដ៏មហិមានៃសង្គមនិយមមានលក្ខណៈពិសេសនៃប្រទេសចិនក្នុងយុគសម័យថ្មី ក៏ដូចជាសម្រេចបាននូវសុបិនចិនដែលស្តារភាពរុងរឿងថ្កុំថ្កើងដ៏មហិមារបស់ប្រជាជាតិចិនឡើងវិញផងដែរ ៕
អ្នកបកប្រែ：Guo Xiangqing