ថ្ងៃទី២៣ខែមេសា សន្និសីទនៃក្រុមប្រឹក្សាភិបាលលើកទីមួយនៃសម្ព័ន្ធកិច្ចសហប្រតិបត្តិការផ្នែកព័ត៌មាននៃខ្សែក្រវាត់មួយនិងផ្លូវមួយបានសម្ពោធបើកនៅក្រុងប៉េកាំង លោកស៊ីជីនភីងប្រធានរដ្ឋចិនបានផ្ញើសារលិខិតអបអរសាទរចំពោះសន្និសីទនេះ ។
លោកស៊ីជីនភីងបានបង្ហាញថា គំនិតផ្តួចផ្តើមស្តីពីខ្សែក្រវាត់មួយនិងផ្លូវមួយមានប្រភពពីប្រទេសចិន តែឱកាសនិងសមិទ្ធផលគឺជារបស់នៃពិភពលោក ។ ភាគីនានាដែលចូលរួមគំនិតផ្តួចផ្តើមនេះកំពុងខិតខំប្រឹងប្រែងកសាងខ្សែក្រវាត់មួយនិងផ្លូវមួយនេះទៅជាផ្លូវសន្តិភាព ផ្លូវវិបុលភាព ផ្លូវបើកទូលាយនិងផ្លូវច្នៃប្រឌិតថ្មី ។
លោកស៊ីជីនភីងបានគូសបញ្ជាក់ថា សម្ព័ន្ធកិច្ចសហប្រតិបត្តិការផ្នែកព័ត៌មាននៃខ្សែក្រវាត់មួយនិងផ្លូវមួយបានផ្តល់វេទិកាផ្លាស់ប្តូរនិងកិច្ចសហប្រតិបត្តិការងាយស្រួលចំពោះប្រព័ន្ធសារព័ត៌មាននៃគ្រប់ប្រទេស ។ ហើយរំពឹងថា ស្ថាប័ននានានៃក្រុមប្រឹក្សាភិបាលបំផុសស្មារតីផ្លូវសូត្រ បង្កើនការផ្លាស់ប្តូរនិងកិច្ចសហប្រតិបត្តិការ បង្កើតបរិយាកាសមតិដ៏ល្អប្រសើរសម្រាប់កិច្ចកសាងខ្សែក្រវាត់មួយនិងផ្លូវមួយជាមួយគ្នា ដើម្បីធ្វើឲ្យការកសាងខ្សែក្រវាត់មួយនិងផ្លូវមួយជាមួយគ្នាអំណោយផលកាន់តែល្អនិងកាន់តែច្រើនដល់ប្រជាជនរបស់ប្រទេសតាមបណ្តោយខ្សែក្រវាត់មួយនិងផ្លូវមួយ ។
អ្នកបកប្រែ:Sun Lingling