ព្រឹកថ្ងៃទី២៣ខែមេសា លោកស៊ីជីនភីងប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានជួបសន្ទនាជាមួយប្រធាននៃគណៈប្រតិភូពហុប្រទេសដែលតបតាមសេចក្តីអញ្ជើញមកចូលរួមសកម្មភាពកងទ័ពជើងទឹកពហុប្រទេសអបអរសាទរខួប៧០ឆ្នាំនៃការបង្កើតកងទ័ពជើងទឹកប្រជាជនចិននៅទីក្រុងQingdao លោកបានតំណាងរដ្ឋាភិបាលនិងកងទ័ពចិនសំដែងការស្វាគមន៍យ៉ាងកក់ក្តៅចំពោះនាយទាហាននិងពលទាហានកងទ័ពជើងទឹងនៃបណ្តាប្រទេសនានាដែលមកចូលរួមសកម្មភាព។
លោកស៊ីជីនភីងបានថ្លែងថា ប្រជាជនចិនស្នេហាសន្តិភាព ស្វែងរកសន្តិភាព នឹងដើរតាមផ្លូវអភិវឌ្ឍន៍ដោយសន្តិវិធីមិនងាករេ។ប្រទេសចិនប្រកាន់គោលនយោបាយការពារជាតិមានលក្ខណៈការពារយ៉ាងតឹងរឹង ផ្តួចផ្តើមទស្សនៈសន្តិសុខថ្មីគឺរួមគ្នា ចម្រុះ កិច្ចសហប្រតិបត្តិការនិងជានិរន្តរភាព។កងទ័ពចិនមានឆន្ទៈរួមវិភាគទានយ៉ាងសកម្មក្នុងការជំរុញភាពរុងរឿងនៃមហាសមុទ្រដោយរួមជាមួយកងទ័ពបណ្តាប្រទេសនានា។
អ្នកបកប្រែ:Ma Xiaoqing