ពិធីបោះពុម្ពផ្សាយជាលើកដំបូងនូវសៀវភៅ« គំនិតផ្តួចផ្តើម “ខ្សែក្រវាត់មួយនិងផ្លូវមួយ” របស់លោកស៊ីជីនភីង »ជាភាសាអង់គ្លេសនិងបារាំងបានប្រារព្វឡើងនៅក្រុងប៉េកាំងកាលពីថ្ងៃទី ២៤ ខែ មេសា ។ ពីធីនេះរៀបចំដោយការិយាល័យព័ត៌មាននៃក្រុមប្រឹក្សាកិច្ចការរដ្ឋចិននិងនាយកដ្ឋានបោះពុម្ពផ្សាយអន្តរជាតិចិន ។ តំណាងជាង ២០០ នាក់ដែលមកពីមជ្ឈដ្ឋានគំនិតជាតិនិងអន្តរជាតិព្រមទាំងស្ថាប័នបោះពុម្ពនិងការបកប្រែជាភាសាបរទេសជាដើមបានចូលរួមពិធីនេះ ។
លោក Jiang Jianguo អនុរដ្ឋមន្ត្រីក្រសួងឃោសនការនៃគណៈកម្មាធិការមជ្ឈិមបក្សកុម្មុយនិស្តចិនបានថ្លែងថា គំនិតផ្តួចផ្តើមរួមគ្នាកសាង “ខ្សែក្រវាត់មួយនិងផ្លូវមួយ” ជាគំនិតដ៏អស្ចារ្យមួយដែលលើកឡើង រៀបចំនិងជំរុញដោយលោកស៊ីជីនភីង ប្រធានរដ្ឋ ។ គំនិតផ្តួចផ្តើម “ ខ្សែក្រវាត់មួយនិងផ្លូវមួយ “ ជាវិធានការសំខាន់ក្នុងការបង្កើនការបើកទូលាយរបស់ចិន ជាគម្រោងរបស់ចិនក្នុងការធ្វើឲ្យល្អប្រសើរនូវអភិបាលកិច្ចសកលផ្នែកសេដ្ឋកិច្ច និងជាវេទិកាជាក់ស្តែងក្នុងការជំរុញកសាងសហគមន៍រួមវាសនានៃមនុស្សជាតិ ។ លោកបានរំពឹងទុកថា ប្រជាជនទាំងអស់មានឆន្ទៈកាន់តែរ៉ឹងមាំក្នុងការចូលរួមកិច្ចកសាងគំនិតផ្តួចផ្តើម “ ខ្សែក្រវាត់មួយនិងផ្លូវមួយ”តាមរយៈការអានសៀវភៅ « គំនិតផ្តួចផ្តើម “ខ្សែក្រវាត់មួយនិងផ្លូវមួយ” របស់លោកស៊ីជីនភីង » ដើម្បីឆ្ពោះទៅកាន់អនាគតដ៏ល្អបវរតាមរយៈគំនិតនេះ ។
អ្នកបកប្រែ：Li Qingli