ពិព័រណ៍សាកវប្បកម្មពិភពលោកក្រុងប៉េកាំងឆ្នាំ ២០១៩ សម្ពោបើក លោកស៊ីជីនភីងអញ្ជើញចូលរួមពិធីសម្ពោធបើកនិងថ្លែងសុន្ទរកថា
ពិធីសម្ពោធបើកនៃពិព័រណ៍សាកវប្បកម្មពិភពលោកក្រុងប៉េកាំងឆ្នាំ ២០១៩ បានប្រារព្ធធ្វើឡើងនៅក្រុងប៉េកាំងនៅថ្ងៃទី ២៨ ខែមេសា ។ លោកស៊ីជីនភីង ប្រធានរដ្ឋចិនបានអញ្ជើញចូលរួមពិធីសម្ពោធបើកព្រមទាំងបានថ្លែងសុន្ទរកថា ។
មេដឹកនាំនិងបេសកជនពិសេសនៃប្រទេសចំនួន ១១ អ្នកទទួលខុសត្រូវនៃអង្គការអន្តរជាតិមានពាក់ព័ន្ធ ភាគីអន្តរជាតិដែលចូលរួមពិព័រណ៍ ឥស្សរជនមជ្ឈដ្ឋានឧស្សាហកម្មនិងពាណិជ្ជកម្មពិភពលោកនិងអ្នកជំនាញការល្បីឈ្មោះមជ្ឈដ្ឋានសាកវប្បកម្មជាដើម ប្រហែល ៩០០ នាក់បានអញ្ជើញចូលរួមពិធោះសម្ពោធបើក ។
ប្រធានបទនៃពិព័រណ៍សាកវប្បកម្មពិភពលោកក្រុងប៉េកាំងឆ្នាំ ២០១៩ គឺជីវភាពបៃតងនិងស្រុកស្អាត ។ ក្នុងអំឡុងពេលធ្វើពិព័រណ៍រយៈពេល ១៦២ ថ្ងៃ ប្រទេសនិងអង្គការអន្តរជាតិចំនួន ១១០ នឹងចូលរួមការតាំងពិព័រណ៍ ខេត្តនិងទីក្រុងចំនួន ៣១ នៃប្រទេសចិននិងភាគីចូលរួមពិព័រណ៍មិនមែនរដ្ឋាភិបាលជាង ១២០ ក្នុងនោះរួមមានហុងកុង ម៉ាកាវនិងតៃវ៉ាន់ក៏នឹងចូលរួមពិព័រណ៍ដែរ ។ ពិព័រណ៍សាកវប្បកម្មពិភពលោកក្រុងប៉េកាំងជាពិព័រណ៍អន្តរជាតិថ្នាក់ខ្ពស់បំផុតនិងទ្រង់ទ្រាយធំបំផុតដែលរៀបចំធ្វើដោយប្រទេសចិនបន្ទាប់ពីពិព័រណ៍សាកវប្បកម្មពិភពលោកក្រុងកុនមីង ពិព័រណ៍ពិភពលោកសៀងហៃនិងពិព័រណ៍នាំចូលចិនអន្តរជាតិលើកដំបូង ៕
អ្នកបកប្រែ：Xu Xiaoxia