ក្នុងថ្ងៃសម្រាកនៃបុណ្យ ១ ឧសភា ខេត្តយូណានបានទទួលភ្ញៀវទេសចរប្រមាណ១១.៩២៨លាននាក់

ថ្ងៃទី០៥ ខែឧសភា  អ្នកសារព័ត៌មានបានទទួលដំណឹងពីមន្ទីរវប្បធម៌និងទេសចរណ៍ខេត្តយូណានឱ្យដឹងថា  ក្នុងអំឡុងពេលថ្ងៃសម្រាកនៃបុណ្យ ១ ឧសភាទូទាំងខេត្តយូណានបានទទួលភ្ញៀវទេសចរប្រមាណ១១.៩២៨លាននាក់  នៅក្នុងនោះ  បានទទួលភ្ញៀវទេសចរឆ្លងថ្ងៃប្រមាណ​៤.៥៥៦៩លាននាក់  និងបានទទួលភ្ញៀវទេសចរដែលមកទេសចរមួយ​ថ្ងៃប្រមាណ៧.៣៧១១លាននាក់។

ទូទាំងខេត្តយូណានទទួលបានប្រាក់ចំណូលទេសចរណ៍​សរុប១៣៦០លានដុល្លារអាមេរិក  ក្នុងនោះទទួលបានប្រាក់ចំណូលពីភ្ញៀវទេសចរឆ្លងថ្ងៃសរុប ៧៦៣.៦លានដុល្លារអាមេរិកលានយ័ន ទទួលបានប្រាក់ចំណូលទេសចរណ៍ពីភ្ញៀវទេសចរដែលមកទេសចរមួយ​ថ្ងៃសរុប៥៩៦.៤លានដុល្លារអាមេរិក។

ជាងនេះទៅទៀត  បានឱ្យដឹងថា  ទីក្រុងដែលទទួលភ្ញៀវទេសចរនាំមុខទាំង៥ក្នុងខេត្តយូណានគឺ  ទីក្រុងគុនមីញ  មណ្ឌលស្វយ័តហុងហឹ  ទីក្រុងយូស៊ី  ទីក្រុងចៅថុង  និងមណ្ឌលស្វយ័តដាលី៕

អ្នកសារព័ត៌មាន៖ Wang Huan

ប្រភពរូបថត៖ Wang Huan Li Zha

អ្នកបកប្រែ៖ លីហ្សា