ថ្ងៃទី ៣ ខែឧសភា ស្ថានទូតចិនប្រចាំនៅប្រទេសនូវែលសេឡង់បានរៀបចំពិធីសំណេះពិធីសំណាលរវាងយុវមន្ត្រីទូតនិងតំណាងនិស្សិតបន្តវិជ្ជានៅនូវែលសេឡង់ ដោយសម្គាល់ឃើញព្រមៗគ្នាថា ត្រូវមានទឹកចិត្តស្នេហាជាតិក្នុងការសិក្សានិងបំពេញការងារនៅពេលអនាគត ក្នុងន័យរួមចំណែករបស់ខ្លួនដើម្បីសម្រេចបាននូវសុបិនចិនដែលស្តារភាពរុងរឿងថ្កុំថ្កើងដ៏មហិមារបស់ប្រជាជាតិចិនឡើងវិញ ។
ដោយឡែក កាលពីថ្ងៃទី ៣០ ខែមេសា ស្ថានទូតចិនប្រចាំនៅឥណ្ឌាបានរៀបចំពិធីសំណេះសំណាលរវាងយុវជនដើម្បីរំលឹកខួបទី១០០នៃចលនា៤ឧសភារបស់ចិន ។ យុវជនដែលបានចូលរួមពិធីបានបញ្ចេញមតិរបស់ខ្លួនយ៉ាងសកម្ម ក្នុងន័យចែករំលែករឿនរ៉ាវស្តីពីការតស៊ូនិងការស្វែងរកសុបិនរបស់ខ្លួន ហើយក៏បានលើកឡើងពីបេសកកម្មនិងភារកិច្ចរបស់យុវជនក្នុងយុគសម័យថ្មីផងដែរ ។
ចំណែកនៅថ្ងៃទី ៣០ ខែមេសាផងដែរ សហភាពសហព័ន្ធយុវជននៃអាណិកជនចិននិងជនជាតិចិននៅប្រទេស Luxembourg បានរៀបចំពិធីសំណេះសំណាលដើម្បីរំលឹកខួបទី១០០នៃចលនា៤ឧសភា ។ ថ្លែងក្នុងសុន្ទរកថា លោក Zhang Zuyuan ប្រធានប្រតិបតិ្តនៃសហភាពសហព័ន្ធយុវជននៃអាណិកជនចិននិងជនជាតិចិននៅប្រទេស Luxembourg បានថ្លែងថា កី្តស្រឡាញ់និងការនឹករលឹកចំពោះមាតុប្រទេសរបស់យុវជនចិន ជាកម្លាំងចលករខាងស្មារតីសម្រាប់ជំរុញឲ្យពួកគេមានភាពឧស្សាហ៍ព្យាយាមក្នុងការតស៊ូបំពេញការងារនៅបរទេស ៕
អ្នកបកប្រែ:Guo Xiangqing