ថ្ងៃទី១៥ខែឧសភា កិច្ចប្រជុំសន្ទនាស្តីពីអរិយធម៌អាស៊ីបានបើកធ្វើយ៉ាងឱឡារិកនៅក្រុងប៉េកាំង លោកស៊ីជីនភីងប្រធានរដ្ឋចិនអញ្ជើញចូលរួមពិធីបើកកិច្ចប្រជុំសន្ទនា ព្រមទាំងថ្លែងសុន្ទរកថាគន្លឹះ ។
ប្រមុខរដ្ឋនិងរដ្ឋាភិបាលនៃប្រទេសកម្ពុជា ក្រិច សិង្ហបុរី ស្រីលង្កានិងអាមេនី ថ្នាក់ដឹកនាំម៉ុងហ្គោលី ព្រមនិងមន្រ្តីទទួលខុសត្រូវនៃអង្គការអន្តរជាតិបូករួមទាំងអង្គការយូណេស្កូនៃអង្គការសហប្រជាជាតិជាដើមបានយាងនិងអញ្ជើញចូលរួមពិធីបើកកិច្ចប្រជុំសន្ទនាលើកនេះ ។
សូមបញ្ជាក់ថា កិច្ចប្រជុំសន្ទនាស្តីពីអរិយធម៌អាស៊ីបានធ្វើឡើងក្រោមប្រធានបទ”ការផ្លាស់ប្តូរនិងរៀនសូត្រអរិយធម៌ទៅវិញទៅមកនិងសហគមន៍រួមវាសនាតែមួយ”ដែលបានទាក់ទាញយុវជន បញ្ញវន្ត មន្រ្តីរដ្ឋាភិបាលនិងសមាជិកអង្គការអន្តរជាតិនៃប្រទេសអាស៊ីចំនួន៤៧និងប្រទេសដទៃទៀតឲ្យមកចូលរួម ។ក្រៅពីពិធីបើកកិច្ចប្រជុំសន្ទនា ប្រទេសចិននឹងរៀបចំសកម្មភាពពាក់ព័ន្ធចំនួនជាង១១០ទៀតក្នុងនោះបូករួមទាំងអនុវេទិកានៃកិច្ចប្រជុំសន្ទនា មហោស្រពវប្បធម៌អាស៊ីនិងសកម្មភាពសបា្តហ៍អរិយធម៌អាស៊ីជាដើម ៕
អ្នកបកប្រែ：Zheng Lei
