សន្និសីទពិភាក្សាការវិនិយោគនិងពាណិជ្ជកម្មឆ្នាំ២០១៩នឹងធ្វើឱ្យការដកពិសោធន៍ពីសេដ្ឋកិច្ចឌីជីថលកាន់តែសម្បួរបែប

នាថ្ងៃទី១៥ ខែឧសភា  អ្នកសារព័ត៌មានបានទទួលដំណឹងឱ្យដឹងថា  រយៈពេលបើកសម្ពោធពិព័រណ៍ទំនិញប្រទេសអាស៊ីខាងត្បូងនិងអាស៊ីអាគ្នេយ៍ព្រមទាំងសន្និសីទពិភាក្សាការវិនិយោគ និងពាណិជ្ជកម្មឆ្នាំ២០១៩（ខាងក្រោមហៅកាត់ថាសន្និសីទពិភាក្សាការវិនិយោគ និងពាណិជ្ជកម្ម）នៅសល់ប្រមាណមួយខែ  កិច្ចការត្រៀមនីមួយៗសុទ្ធតែត្រូវបាន​ជំរុញ​ការរៀបចំយ៉ាងល្អប្រសើរ  វត្ថុតាំងបង្ហាញនៃប្រទេសប៉ាគីស្ថាន ឥណ្ឌាជាដើមដែលដឹកជញ្ជូនតាមសមុទ្របានមកដល់ទីក្រុងគុនមីញប្រទេសចិនជាបន្តបន្ទាប់។

សន្និសីទពិភាក្សាការវិនិយោគនិងពាណិជ្ជកម្មលើកនេះ  នឹងមាននូវពន្លឺទាក់ទាញដ៏គួរឱ្យចាប់អារម្មណ៍កាន់តែខ្លាំង  ចំពោះ​ការដកពិសោធន៍អំពីសេដ្ឋកិច្ចឌីជីថលនិងបច្ចេកវិទ្យាអ៊ីនធឺណើត ៥G ក៏នឹងកាន់តែសម្បូរបែប  ពិព័រណ៍លើកនេះនឹងធ្វើឱ្យលក្ខណៈឌីជីថលកើនឡើងថែមមួយកម្រិតទៀត។  យោងតាមដំណឹងបានឱ្យដឹងថា  សន្និសីទពិភាក្សាការវិនិយោគនិងពាណិជ្ជកម្មឆ្នាំ២០១៩　បានរៀបចំពន្លាពិព័រណ៍សរុបចំនួន១៧ដែលបែងចែកជា  ពន្លាថ្នាំជីវសាស្ត្រនិងសុខភាព  ពន្លាអាហារចំណីបៃតង  ពន្លាថាមពលបៃតង  ពន្លាកិច្ចការវិនិយោគនិងកិច្ចសហប្រតិបត្តិការតាមខ្សែក្រវ៉ាត់ និងផ្លូវពន្លាអាស៊ីអាគ្នេយ៍（មានពន្លាចំនួន២）សាលបើកសម្ពោធ  ព្រមទាំងពន្លាប្រទេសក្រោមប្រធានបទនិងប្រទេសកិត្តិយស  ពន្លាអាស៊ីខាងត្បូង（មានពន្លាចំនួន២）ពន្លាក្រៅប្រទេស  ពន្លាតៃវ៉ាន់  ពន្លាក្នុងប្រទេស  ពន្លាវប្បធម៌និងទេសចរណ៍  ពន្លាគ្រឿងចក្រ ពន្លាផលិតផលព្រៃឈើអេកូឡូស៊ី  ពន្លាអាហារចំណី  ពន្លាវប្បធម៌ឈើ ដែលមានស្តង់ពិព័រណ៍សរុបប្រមាណ៧៥០០ទំហំផ្ទៃដីសម្រាប់ការតាំងបង្ហាញប្រមាណ១៧ម៉ឺនម៉ែត្រការ៉េ៕

ពិព័រណ៍លើកនេះនឹងរៀបចំលើកដំបូងនូវពន្លាវិនិយោគនិងកិច្ចសហប្រតិបត្តិការខ្សែក្រវ៉ាត់ និងផ្លូវ  ពន្លាថាមពលបៃតង ពន្លាផលិតផលព្រៃឈើអេកូឡូស៊ីនិងតំបន់ពិព័រណ៍យូណានឌីជីថល។  ក្នុងចំណោមនោះ  តំបន់ពិព័រណ៍យូណានឌីជីថលនឹងតាំងបង្ហាញសមិទ្ធិផលមួយចំនួនអំពី“ទូរស័ព្ទដៃមួយ”ដែលក្នុងនោះមានដូចជា“ទៅលេងយូណានដោយទូរស័ព្ទដៃមួយ”“សម្រេចកិច្ចការដោយទូរស័ព្ទដៃមួយ”“ទិញចំណីអាហារយូណានដោយទូរស័ព្ទដៃមួយ”ជាដើម  ថែមទាំងដកបទពិសោធន៍អំពីការផ្តល់សេវាកម្មអ៊ីនធឺណើត៥G ផងដែរ។  សន្និសីទពិភាក្សាការវិនិយោគនិងពាណិជ្ជកម្មឆ្នាំ២០១៩លើកនេះអាចទិញសំបុត្រតាមអ៊ីនធឺណើត  អ្នកចូលរួមនិងទស្សនាពិព័រណ៍អាចប្រើប្រាស់ការស្កេនQRកូដចូលក្នុងកន្លែងពិព័រណ៍បាន។

រហូតមកដល់បច្ចុប្បន្ននេះ  កិច្ចការកៀងគរសហគ្រាសនិងការរៀបចំពិព័ណ៌ភាគច្រើនត្រូវបានរៀបចំរួចរាល់កិច្ចការបែងចែកស្តង់ពិព័រណ៍ ការបែងចែកតំបន់  ការរចនាប្លង់រូបភាពជាដើមសុទ្ធតែត្រូវបានជំរុញឱ្យដំណើរការ​យ៉ាង​មានប្រសិទ្ធិភាព។  យោងតាមស្ថានភាពទាក់ទងនិងពាណិជ្ជករក្នុងខណៈនេះគេអាចប៉ាន់ស្មានថា  សន្និសីទពិភាក្សាការវិនិយោគនិងពាណិជ្ជកម្មលើកនេះ មានវត្ថុចូលរួមតាំងបង្ហាញប្រហែលស្មើនឹងពិព័រណ៍ចិន-អាស៊ីខាងត្បូងលើកទី៥នាឆ្នាំមុន។

យោងតាមដំណឹងបានឱ្យដឹងថា  សន្និសីទពិភាក្សាការវិនិយោគនិងពាណិជ្ជកម្មឆ្នាំ២០១៩នឹងកៀងគរអ្នកស្ម័គ្រចិត្តចំនួន១៥០០នាក់៕

អ្នកសារព័ត៌មាន៖ Han Chengyuan Chu Donghua

អ្នកបកប្រែ៖ លីហ្សា