ពិព័រណ៍ឧស្សាហកម្មទិន្នន័យធំចិនអន្តរជាតិឆ្នាំ២០១៩សម្ពោធបើកនៅក្រុងគយយ៉ាង
ថ្ងៃទី២៦ខែឧសភា ពិព័រណ៍ឧស្សាហកម្មទិន្នន័យធំចិនអន្តរជាតិឆ្នាំ២០១៩បានសម្ពោធបើកនៅក្រុងគយយ៉ាង លោកវ៉ាងឆិនសមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិននិងជាអនុប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនបានអញ្ជើញជាអធិបតីនៃពិធីសម្ពោធបើក ព្រមនិងអានលិខិតអបអរសាទររបស់លោកស៊ីជីនភីងប្រធានរដ្ឋចិនមុនពេលថ្លែងសុន្ទរកថា។
លោកវ៉ាងឆឹនបានថ្លែងថា លិខិតជូនពររបស់លោកស៊ីជីនភីងបានបង្ហាញដោយពេញលេញនូវការយកចិត្តទុកដាក់ខ្ពស់របស់ប្រទេសចិនចំពោះការអភិវឌ្ឍឧស្សាហកម្មទិន្នន័យធំដែលប្រកបដោយសារសំខាន់ចំពោះការបង្កើនជំនឿចិត្តដ៏មុតមាំក្នុងការជំរុញប្រទេសនានាឱ្យបង្កើនការផ្លាស់ប្តូរនិងកិច្ចសហប្រតិបត្តិការ សម្រេចការផ្តល់ផលប្រយោជន៍ដល់គ្នានិងឈ្នះ-ឈ្នះ ក៏ដូចជាជំរុញឱ្យឧស្សាហកម្មទិន្នន័យធំសម្រេចការអភិវឌ្ឍកាន់តែធំធេងផងដែរ៕
អ្នកបកប្រែ：Wang Zhaojun