ព្រឹកថ្ងៃទី២៨ខែឧសភា នៅវិមានសភាប្រជាជនក្រុងប៉េកាំង លោកស៊ីជីនភីងអគ្គលេខាធិការគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានជួបពិភាក្សាជាមួយតំណាងដែលចូលរួមពិធីជួបជុំនៃអាណិកជនចិននិងជនជាតិចិនសញ្ជាតិបរទេសលើពិភពលោកលើកទី៩និងកិច្ចប្រជុំសមាជិកក្រុមប្រឹក្សាលើកទី១នៃសមាគមចិនរាប់អានមិត្តនៅឯនាយសមុទ្រអាណត្តិទី៥ ដោយបានតាងនាមឲ្យមជ្ឈិមបក្សកុម្មុយនិស្តចិន និងក្រុមប្រឹក្សាកិច្ចការរដ្ឋចិន សម្តែងការស្វាគមន៍យ៉ាងរាក់ទាក់កក់ក្តៅចំពោះតំណាងគ្រប់រូប ក៏ដូចជាសម្តែងការសួរសុខទុក្ខយ៉ាងស្មោះចំពោះអាណិកជនចិននិងជនជាតិចិនសញ្ជាតិបរទេសនៅតំបន់នានាលើពិភពលោកផងដែរ។
កិច្ចប្រជុំបានពិនិត្យពិភាក្សាព្រមទាំងអនុម័តលើរបាយការណ៍ការងារនៃក្រុមប្រឹក្សាអាណត្តិទី៤នៃសមាគមចិនរាប់អានមិត្តនៅឯនាយសមុទ្រ សេចក្តីសម្រេចចិត្តស្តីពីការធ្វើការរួមបញ្ចូលគ្នានៃសមាគមចិនរាប់អានមិត្តនៅឯនាយសមុទ្រនិងសមាគមផ្លាស់ប្តូរនៅឯនាយសមុទ្រនៃប្រទេសចិន និងឯកសារពាក់ព័ន្ធដទៃទៀត។ កិច្ចប្រជុំបានជ្រើសតាំងលោកYouQuanជាប្រធាននៃសមាគមចិនរាប់អានមិត្តនៅឯនាយសមុទ្រ ព្រមទាំងបានជ្រើសតាំងអនុប្រធានចំនួន២៦រូបនិងសមាជិកក្រុមប្រឹក្សាអចិន្ត្រៃយ៍ចំនួន២៣០រូបផងដែរ៕
អ្នកបកប្រែ：Zheng Lei