វេទិកាទេសចរណ៍ទន្លេមេគង្គឆ្នាំ២០១៩ប្រារព្ធនៅទីក្រុងដាលី

វេទិកាទេសចរណ៍ទន្លេមេគង្គឆ្នាំ២០១៩ត្រូវបានប្រារព្ធនៅមណ្ឌលស្វយ័តជនជាតិបៃដាលីខេត្តយូណាននាថ្ងៃទី២៨ ខែឧសភា  ដែលមានវត្តមានអ្នកចូលរួមប្រមាណជាង៣០០នាក់ក្នុងនោះផងដែរមន្ត្រីមកពីស្ថាប័នទេសចរណ៍ប្រទេសកម្ពុជា ឡាវ មីយ៉ាន់ម៉ា ថៃនិងវៀតណាម  ការិយាល័យសម្របសម្រួលទេសចរណ៍ទន្លេមេគង្គ  ធនាគារអភិវឌ្ឍន៍អាស៊ី  មជ្ឈមណ្ឌលចិន-អាស៊ាន  សហគ្រាសទេសចរណ៍ដើម្បីលើកសំណើសម្រាប់ពង្រឹងកិច្ចសហប្រតិបត្តិការនិងការអភិវឌ្ឍប្រកបដោយប្រសិទ្ធភាពក្នុងបណ្តាប្រទេសនៅក្នុងតំបន់។

ប៉ុន្មានឆ្នាំកន្លងមកនេះ  ការកាត់បន្ថយភាពក្រីក្រទេសចរណ៍បានក្លាយទៅជាវិស័យគន្លឹះនៃការកាត់បន្ថយភាពក្រីក្រទូទាំងពិភពលោក។វិស័យទេសចរណ៍ក៏បានក្លាយទៅជាមធ្យោបាយដ៏សំខាន់សម្រាប់ប្រជាពលរដ្ឋក្នុងតំបន់ចាកចេញពីភាពក្រីក្រនិងឈានទៅកាន់ជីវភាពរស់នៅធូរធារ។តាមរយៈនេះផងដែរអ្នកចូលរួមបានថ្លែងសុន្ទរកថាដ៏មានអត្ថន័យនិងស៊ីជម្រៅព្រមទាំងពិភាក្សាលើប្រធានបទពិសេសដូចជា  ការអភិវឌ្ឍវិស័យទេសចរណ៍ចលករក្នុងការកាត់បន្ថយភាពក្រីក្រនៅជនបទការអភិវឌ្ឍផ្លូវដែកផ្តល់នូវកាអភិវឌ្ឍឧស្សាហកម្មទេសចរណ៍ប្រកបដោយចីរភាពការការពារបេតិកភ័ណ្ឌវប្បធម៌តាមមហាអនុតំបន់មេគង្គនិងយុទ្ធសាស្ត្រកាត់បន្ថយភាពក្រីក្រជាដើម។

ជាងនេះទៅទៀត  បានរៀបចំសកម្មភាពណែនាំវប្បធម៌និងទេសចរណ៍ខេត្តយូណាន៕

អ្នកសារព័ត៌មាន៖ Wang Huan Feng Yaxi

អ្នកបកប្រែ៖ លីហ្សា