ក្រសួងការបរទេសចិនរិះគន់អាមេរិកថា គិតតែរិះរកគ្រប់មធ្យោបាយដើម្បីធ្វើទុក្ខក្រុមហ៊ុនHUAWEI ក៏ប៉ុន្តែអាចបង្ហាញភស្តុតាងអ្វីឬអត់ ?
ពេលថ្មីៗកន្លងទៅនេះ លោកMichael Pompeo រដ្ឋមន្រ្តីក្រសួងការបរទេសអាមេរិកបានអះអាងថា កិច្ចសហប្រតិបត្តិការរវាងសហគ្រាសអាមេរិកនិងរដ្ឋាភិបាលគឺស្របនឹងច្បាប់អាមេរិក ប៉ុន្តែប្រទេសចិនវិញមានភាពខុសប្លែកពីអាមេរិកទាំងស្រុង ។ ជាងនេះទៅទៀត អ្នកនាំពាក្យក្រសួងការបរទេសអាមេរិកបានថ្លែងថា ហេតុដែលសហរដ្ឋអាមេរិកដាក់ចេញសេចក្តីព្រាងច្បាប់ស្តីពីការធ្វើប្រតិភូកម្មសិទ្ធិអំណាចផ្នែកការពារជាតិ ដែលបានហាមឃាត់ស្ថាប័នរដ្ឋបាលអាមេរិកមិនឱ្យប្រើប្រាស់បរិក្ខាររបស់ក្រុមហ៊ុនHUAWEI គឺមកពីមានភស្តុតាំងច្បាស់លាស់ ។
ទាក់ទិននឹងរឿងមួយនេះ លោកLuKangអ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំនៅថ្ងៃទី ៣០ ខែឧសភាថា ក្នុងមួយរយៈពេលមកនេះ ដើម្បីធ្វើទុក្ខនិងដាក់គំនាបក្រុមហ៊ុនHUAWEI សហរដ្ឋអាមេរិកបានរិះរកគ្រប់មធ្យោបាយដើម្បីបញ្ចុះបញ្ចូលឱ្យប្រជាជនអាមេរិកក៏ដូចជាប្រជាជននៃប្រទេសដទៃជឿជាក់ថា ផលិតផលរបស់ក្រុមហ៊ុនHUAWEI មានបញ្ហាខាងសន្តិសុខ ក៏ប៉ុន្តែអ្វីដែលអ្នកផងយកចិត្តទុកដាក់ជាងគេគឺ អាមេរិកអាចបង្ហាញភស្តុតាងពាក់ព័ន្ធនឹងរឿងនេះឬអត់ ៕
អ្នកបកប្រែ：Zhai Qianqian