ឧស្សាហកម្មផ្កាស្រស់យូណានបានអភិវឌ្ឍយ៉ាងឆាប់រហ័សក្នុងឧទ្យាននៅទីក្រុងខៃយ័នខេត្តយូណាន

ពិព័រណ៍ផ្កាអន្តរជាតិគុនមីញប្រទេសចិនលើកទី១២នឹងប្រារព្ធនៅពាក់កណ្តាលខែកក្កដា។ 

ទីតាំងរៀបចំស្ថិតនៅទីក្រុងគុនមីញ  សាខាទីតាំងរៀបចំគឺឧទ្យានកសិកម្មប្រសិទ្ធិភាពខ្ពស់ខៃយួនដែលស្ថិតនៅឃុំយ៉ាងចេទីក្រុងខៃយ័នមណ្ឌលស្វយ័តជនជាតិហានីជនជាតិយីហុងហឺខេត្តយូណាន  បច្ចុប្បន្ននេះ  កិច្ចការស្ថានានៃមជ្ឈមណ្ឌលតាំងបង្ហាញក្នុងឧទ្យានត្រូវបានជំរុញយ៉ាង​មានប្រសិទ្ធិភាព។

បីឆ្នាំមុន  ក្នុងឧទ្យានកសិកម្មទាន់សម័យប្រសិទ្ធភាពខ្ពស់ខៃយួនបានដាំពោតនិងស្រូវខ្លះ  តែបច្ចុប្បន្ននេះ  ទីនេះបាននាំមកនូវសហគ្រាសដាំដុះផ្កាដែលមានឈ្មោះល្បីល្បាញទូទាំងប្រទេសចិននិងពិភពលោក ដែលមានប្រមាណ១៩ក្រុមហ៊ុន។ 

ក្នុងចំណោមនោះ  មានទាំងក្រុមហ៊ុន Schreurs ប្រទេសហូល្លង់  ដែលជាក្រុមហ៊ុនផលិតផ្កាកុលាបនិងGerbera jamesonii　មានទ្រង់ទ្រាយធំបំផុតផងដែរ។  បច្ចុប្បន្ននេះ  ក្នុងឧទ្យានមានសហគ្រាសចំនួន៥បានដាក់ទុនវិនិយោគច្រើនជាងមួយរយលានយ័ន ឧទ្យាននេះមានឃ្លាំងស្តុកផ្កាស្បៃលឿងធំបំផុតនៅអាស៊ី។

ជាមួយគ្នានេះ  មជ្ឈមណ្ឌលច្នៃប្រឌិតថ្មីផ្កាស្រស់យូណានដែលបានដាក់ទុនវិនិយោគ២៤.២លានដុល្លារអាមេរិក  និងមានទំហំដី១៣.៣ហិចតា  បានកសាងជិតរួចរាល់  ដែលនឹងដាក់ឱ្យប្រើប្រាស់នៅចុងខែមិថុនា៕

អ្នកសារព័ត៌មាន៖ Li Shufen Wang Dan

អ្នកបកប្រែ៖ លីហ្សា