ក្រុងតាថុង ខេត្ត សានស៊ី នៃប្រទេសចិនបានបើកជើងយន្តហោះទេសចរណ៍ហោះត្រង់មកប្រទេសកម្ពុជា
ថ្ងៃទី ៩ ខែមិថុនា អ្នកសារព័ត៌មានបានទទួលព័ត៌មានពីទីភ្នាក់ងារទេសចរណ៍ជាតិ Bao Hua នៃខេត្ត សានស៊ីប្រទេសចិនឲ្យដឹងថា ព្រលានយន្តហោះYun Gang នៃក្រុងតាថុង ខេត្ត សានស៊ី បានបើកជើងយន្តហោះទេសចរណ៍ហោះត្រង់ទៅប្រទេសកម្ពុជា ។ ការបើកជើងយន្តហោះទេសចរណ៍មួយនេះគឺក្រោមកិច្ចសហការដោយទីភ្នាក់ងារទេសចរណ៍ជាតិ Bao Hua នៃខេត្ត សានស៊ីនិងក្រុមហ៊ុនអាកាសចរណ៍ឡានឆាង-មេគង្គនៃប្រទេសកម្ពុជា ។
សូមបញ្ជាក់ថា កាលពីខែមករាឆ្នាំនេះ សកម្មភាពឆ្នាំវប្បធម៌និងទេសចរណ៍រវាងចិននិងកម្ពុជាបានសម្ពោធបើកនៅក្រុងភ្នំពេញរាជធានីប្រទេសកម្ពុជា ។ អ្នកទទួលខុសត្រូវនៃព្រលានយន្តហោះក្រុងតាថុងបានថ្លែងថា ការបើកជើងហោះហើរពីក្រុងតាថុងហោះត្រង់ទៅកាន់ក្រុងសៀមរាបនៃប្រទេសកម្ពុជា នឹងបំពេញបន្ថែមថែមមួយកម្រិតទៀតនូវបណ្តាញអាកាសចរណ៍រវាងក្រុងតាថុងនិងក្រុងសៀមរាបដែលជាទីក្រុងទេសចរណ៍ដ៏ល្បីឈ្មោះរបស់ប្រទេសទាំងពីរ ប្រការនេះមិនគ្រាន់តែអាចជំរុញការតភ្ជាប់និងការផ្លាស់ប្តូរលើវិស័យចេញចូលដែននៃតំបន់ទាំងពីរតែប៉ុណ្ណោះទេ ថែមទាំងអាចជំរុញប្រកបដោយប្រសិទ្ធភាពនូវកិច្ចសហប្រតិបតិ្តការនៃគម្រោងទីក្រុងមិត្តភាពផងដែរ ៕
អ្នកបកប្រែ：Guo Xiangqing