ពិព័រណ៍ទំនិញប្រទេសអាស៊ីខាងត្បូងនិងអាស៊ីអាគ្នេយ៍និងសន្និសីទពិភាក្សាវិនិយោគ និងពាណិជ្ជកម្មឆ្នាំ២០១៩ត្រូវបានបើកសម្ពោធនៅទីក្រុងគុនមីញខេត្តយូណាន

នាថ្ងៃទី១២ ខែមិថុនា  ពិព័រណ៍ទំនិញប្រទេសអាស៊ីខាងត្បូងនិងអាស៊ីអាគ្នេយ៍ព្រមទាំងសន្និសីទពិភាក្សាវិនិយោគ និងពាណិជ្ជកម្មឆ្នាំ២០១៩（ខាងក្រោមហៅកាត់ថាសន្និសីទពិភាក្សាវិនិយោគ និងពាណិជ្ជកម្ម）បានបើកសម្ពោធនៅមជ្ឈមណ្ឌលពិព័រណ៍អន្តរជាតិទានឈើនៃទីក្រុងគុនមីញខេត្តយូណាន  រយៈពេលរៀបចំគឺពីថ្ងៃទី១២ ដល់ ថ្ងៃទី១៨ ខែមិថុនា។

សន្និសីទពិភាក្សាវិនិយោគនិងពាណិជ្ជកម្មលើកនេះ ក្រោមប្រធានបទ “ជួបជុំគ្នានៅបង្អួចបើកចំហរ  កសាងមជ្ឈមណ្ឌលផ្សព្វផ្សាយរួម  ចែករំលែកនូវភាពរុងរឿងនិងអភិវឌ្ឍន៍”ហើយប្រទេសកម្ពុជានិងប្រទេសស្រីលង្កាបានធ្វើជាប្រទេសកិត្តិយសក្នុងសន្និសីទពិភាក្សាវិនិយោគនិងពាណិជ្ជកម្មលើកនេះ ។

យោងតាមដំណឹងបានឱ្យដឹងថា  សន្និសីទពិភាក្សាវិនិយោគនិងពាណិជ្ជកម្មឆ្នាំ២០១៩　បានរៀបចំពន្លាពិព័រណ៍សរុបចំនួន១៧ដែលបែងចែកជា  ពន្លាឱសថជីវសាស្ត្រនិងសុខភាព  ពន្លាអាហារចំណីបៃតង  ពន្លាថាមពលបៃតង  ពន្លាកិច្ចការវិនិយោគនិងកិច្ចសហប្រតិបត្តិការតាមខ្សែក្រវ៉ាត់ និងផ្លូវពន្លាអាស៊ីអាគ្នេយ៍（មានពន្លាចំនួន២）សាលបើកសម្ពោធ  ព្រមទាំងពន្លាប្រទេសប្រធានបទនិងប្រទេសកិត្តិយស  ពន្លាអាស៊ីខាងត្បូង（មានពន្លាចំនួន២）ពន្លាក្រៅប្រទេស  ពន្លាតៃវ៉ាន់  ពន្លាក្នុងប្រទេស  ពន្លាវប្បធម៌និងទេសចរណ៍  ពន្លាគ្រឿងចក្រ ពន្លាផលិតផលព្រៃឈើអេកូឡូស៊ី  ពន្លាអាហារចំណី  ពន្លាវប្បធម៌ឈើ ដែលមានស្តង់ពិព័រណ៍សរុបប្រមាណ៧៥០០ទំហំផ្ទៃដីសម្រាប់ការតាំងបង្ហាញប្រមាណ១៧ម៉ឺនម៉ែត្រការ៉េ។

ក្នុងកម្មវិធីនេះ នឹងរៀបចំសកម្មភាពចំនួន១៤។  មានអ្នកតំណាងប្រមាណជាង៥០០នាក់ដែលមកពីប្រទេស តំបន់  និងអង្គការអន្តរជាតិចំនួន៧៤  សហគ្រាសក្នុងប្រទេសចំនួន៣៣៤៨  និងសមាគមឧស្សាហកម្មតំបន់តៃវ៉ាន់  អ្នកទទួលខុសត្រូវនៃអង្គរការអន្តរជាតិ និងថ្នាក់ដឹកនាំវិស័យពាណិជ្ជកម្មប្រមាណជាង១៦០នាក់បានមានវត្តមានក្នុងសកម្មភាពទាំងនេះ។

បើប្រៀបធៀបនឹងឆ្នាំមុន  ពិព័រណ៍លើកនេះមានភាពបម្រែបម្រួល៤យ៉ាង  គឺកាន់តែមានភាពវៃឆ្លាត  មានលក្ខណៈបៃតង  លក្ខណៈអន្តរជាតិ និងមានលក្ខណៈជាម៉ាកផងដែរ  បានរៀបចំលើកដំបូងនូវពន្លាវិនិយោគនិងកិច្ចសហប្រតិបត្តិការខ្សែក្រវ៉ាត់ និងផ្លូវ  ពន្លាថាមពលបៃតង ពន្លាផលិតផលព្រៃឈើអេកូឡូស៊ីនិងតំបន់ពិព័រណ៍យូណានឌីជីថលផងដែរ៕

អ្នកសារព័ត៌មាន៖ Han Chengyuan

អ្នកបកប្រែ៖ លីហ្សា