យប់ថ្ងៃទី១៦ខែមិថុនា លោកស៊ីជីនភីងបានអញ្ជើញវិលត្រឡប់មកដល់ក្រុងប៉េកាំងវិញហើយ បន្ទាប់ពីបញ្ចប់ដំណើរទស្សនកិច្ចផ្លូវរដ្ឋនៅប្រទេសកៀហ្ស៊ីស៊ីស្ថាននិងតាហ្ស៊ីគីស្ថាន និងចូលរួមកិច្ចប្រជុំលើកទី ១៩ ស្តីពីក្រុមប្រឹក្សានៃថ្នាក់ដឹកនាំរដ្ឋសមាជិកអង្គការសហប្រតិបត្តិការសៀងហៃនិងកិច្ចប្រជុំកំពូលលើកទី ៥ នៃសន្និសីទស្តីពីអន្តរសកម្មភាពនិងវិធានការកសាងទំនុកចិត្តនៅអាស៊ី។
សូមបញ្ជាក់ថា កាលពីព្រឹកថ្ងៃទី១៦ខែមិថុនាតាមម៉ោងតំបន់ លោកស៊ីជីនភីងបានអញ្ជើញចាកចេញពីទីក្រុងឌូស្ហាន់បេដើម្បីវិលត្រឡប់មកកាន់ប្រទេសចិនវិញ។ពេលចាកចេញ លោកEmomaliRakhmonovប្រធានាធិបតីតាហ្ស៊ីគីស្ថានបានជូនដំណើរនៅឯព្រលានយន្តហោះ។លោកEmomaliRakhmonovបានថ្លែងថា ប្រជាជនតាហ្ស៊ីគីស្ថានថ្នាក់ថ្នមទំនាក់ទំនងរវាងតាហ្ស៊ីគីស្ថាននិងចិន និងសូមថ្លែងអំណរគុណដល់ការគាំទ្រដ៏មានតម្លៃរបស់ប្រទេសចិនចំពោះប្រទេសតាហ្ស៊ីគីស្ថាន។ដំណើរទស្សនកិច្ចរបស់លោកប្រធានស៊ីជីនភីងទទួលបានលទ្ធផលប្រកបដោយផ្លែផ្កា មានអត្ថន័យសំខាន់ណាស់។ភាគីតាហ្ស៊ីគីស្ថាននឹងយកការនេះជាឱកាសសម្រាប់បង្កើនទំនាក់ទំនងរវាងប្រទេសទាំងពីរ។
អ្នកបកប្រែ：Ma XIaoqing