កិច្ចប្រជុំកំពូលអាស៊ានចេញសេចក្តីថ្លែងការណ៍របស់ប្រធានផ្លាស់វេនដើម្បីប្រឆាំងនឹងការគាំពារនិយមខាងពាណិជ្ជកម្ម
ថ្ងៃទី២៣ខែមិថុនា កិច្ចប្រជុំកំពូលអាស៊ានលើកទី៣៤បានបិទបញ្ចប់នៅក្រុងបាងកករាជធានីប្រទេសថៃ។ នាថ្ងៃដដែល កិច្ចប្រជុំកំពូលបានចេញសេចក្តីថ្លែងការណ៍របស់ប្រធានផ្លាស់វេនបញ្ជាក់ថា អាស៊ានប្រឆាំងនឹងការគាំពារនិយមខាងពាណិជ្ជកម្មនិងគាំទ្រប្រព័ន្ធពាណិជ្ជកម្មពហុភាគី។
ក្នុងសេចក្តីថ្លែងការណ៍ អាស៊ានបានរំលឹកឡើងវិញពីការគាំទ្រប្រព័ន្ធពាណិជ្ជកម្មពហុភាគីដែលប្រកបដោយបរិយាប័ន្ន តម្លាភាពនិងឈរលើមូលដ្ឋាននៃច្បាប់កំណត់។ សេចក្តីថ្លែងការណ៍ចែងថា បច្ចុប្បន្ន ការគាំពារនិយមនិងការប្រឆាំងសកលភាវូបនីយកម្មមាននិន្នាការកើនឡើង ដែលបន្តធ្វើឱ្យប៉ះពាល់ដល់សេដ្ឋកិច្ចពិភពលោកនិងគំរាមកំហែងចំពោះប្រព័ន្ធពាណិជ្ជកម្មពហុភាគីនិយម អាស៊ានមានការព្រួយបារម្ភចំពោះរឿងនេះ។
សេចក្តីថ្លែងការណ៍ចែងទៀតថា អង្គការពាណិជ្ជកម្មពិភពលោកកំពុងប្រឈមមុខនឹងបញ្ហាជាច្រើន ដូច្នេះចាំបាច់ត្រូវរក្សានិងពង្រឹងយន្តការដោះស្រាយជម្លោះ៕
អ្នកបកប្រែ：Wang Zhaojun