ថ្ងៃទី ២៤ ខែមិថុនា ក្រសួងការបរទេសចិនបានរៀបចំធ្វើសនិ្នសីទសារព័ត៌មាន ។ លោក Zhang Jun អ្នកសម្របសម្រួលភាគីចិននៃកិច្ចការប្រទេសG20 និងជាឧបការីរដ្ឋមន្ត្រីការបរទេសចិន លោក Wang Shouwen អនុរដ្ឋមន្ត្រីក្រសួងពាណិជ្ជកម្មចិននិងជាតំណាងរងនៃការចរចាពាណិជ្ជកម្មអន្តរជាតិរបស់ចិន លោក Chen Yulu អនុទេសាភិបាលធនាគារប្រជាជនចិនជាដើម បានរួមគ្នាឧទ្ទេសនាមពីសភាពការណ៍ពាក់ព័ន្ធនឹងការញ្ជើញចូលរួមសនិ្នសីទកំពូលលើកទី១៤នៃអ្នកដឹកនាំប្រទេស G20 របស់លោក ស៊ី ជីនភីង ប្រធានរដ្ឋចិន ព្រមទាំងឆ្លើយសំណួររបស់អ្នកសារព័ត៌មានផងដែរ ។
ក្នុងសនិ្នសីទ លោក Zhang Jun បានថ្លែងថា សនិ្នសីទកំពូលលើកទី១៤នៃអ្នកដឹកនាំប្រទេស G20នឹងបើកធ្វើនៅក្រុងOsaka នៃប្រទេសជប៉ុនពីថ្ងៃទី ២៨ ដល់២៩ខែមិថុនា ។ លោក ស៊ី ជីនភីង ប្រធានរដ្ឋចិនបានអញ្ជើញចូលរួមឬធ្វើជាអធិបតីក្នុងសនិ្នសីទកំពូលនៃអ្នកដឹកនាំប្រទេសG20 ៧ឆ្នាំជាប់ៗ ប្រការនេះបានបង្ហាញឱ្យឃើញយ៉ាងច្បាស់នូវការយកចិត្តទុកដាក់ខ្ពស់របស់ប្រទេសចិនចំពោះកិច្ចសហប្រតិបតិ្តការជាមួយប្រទេសG20 និងការធ្វើអភិបាលកិច្ចពិភពលោកទាំងមូល ។ ដោយឡែក ក្នុងកិច្ចប្រជុំកំពូលលើកនេះ លោក ស៊ី ជីនភីង នឹងចូលរួមសនិ្នសីទពេញអង្គនៃដំណាក់់កាលទាំងបួន ព្រមនិងចូលរួមកិច្ចពិគ្រោះពិភាក្សាអំពីប្រធានបទពាក់ព័ន្ធនឹងសេដ្ឋកិច្ច ពាណិជ្ជកម្មជាសកល សេដ្ឋកិច្ចឌីជីថល ការអភិវឌ្ឍជានិរន្តរភាពនិងប្រកបដោយបរិយាប័ន្នជាដើម ។ លោក ស៊ី ជីនភីង ក៏នឹងចូលរួមកិច្ចជំនួបក្រៅផ្លូវការនៃអ្នកដឹកនាំប្រទេស BRICS កិច្ចជំនួបក្រៅផ្លូវការរវាងអ្នកដឹកនាំនៃប្រទេសចិន រុស្ស៊ីនិងឥណ្ឌា កិច្ចជំនួបខ្នាតតូចរវាងអ្នកដឹកនាំចិននិងអាហ្រ្វិក ដើម្បីបង្កើនការប្រាស្រ័យទាក់ទងនិងកិច្ចសម្របសម្រួលអំពីបញ្ហាធំនិងសំខាន់ ដូចជាការធ្វើឱ្យមានភាពកាន់តែស៊ីជម្រៅនូវកិច្ចសហប្រតិបតិ្តការរវាងប្រទេសទីផ្សារងើបឡើងថ្មីនិងប្រទេសកំពុងអភិវឌ្ឍន៍ ការអនុវត្តរបៀបវារៈអភិវឌ្ឍន៍ជានិរន្តរភាពរបស់អង្គការសហប្រជាជាតិឆ្នាំ ២០៣០ជាដើម ក្នុងន័យជំរុញកិច្ចសហប្រតិបតិ្តការជាក់ស្តែង ។ ក្រៅពីនេះ លោក ស៊ីជីនភីងក៏នឹងធ្វើកិច្ចជំនួបទ្វេភាគីជាមួយថ្នាក់ដឹកនាំនៃប្រទេសជាច្រើន ដើម្បីខិតខំប្រឹងប្រែងជំរុញឱ្យកិច្ចសហប្រតិបតិ្តការជាមួយប្រទេសពាក់ព័ន្ធមានភាពកាន់តែស៊ីជម្រៅ ក៏ដូចជាជំរុញការអភិវឌ្ឍនៃទំនាក់ទំនងទ្វេភាគីផងដែរ៕
អ្នកបកប្រែ：Guo Xiangqing