ពេលចូលរួមកិច្ចប្រជុំកំពូលនៃប្រទេសG២០នៅក្រុងអូសាកាប្រទេសជប៉ុននៅថ្ងៃទី២៨ខែមិថុនា លោកស៊ីជីនភីងប្រធានរដ្ឋចិនបានគូសបញ្ជាក់ថា ប្រទេស G២០គួរបន្តដើរតួនាទីណែនាំ ដើម្បីធានាជាក់លាក់ឱ្យសេដ្ឋកិច្ចពិភពលោកវិវឌ្ឍរីកចម្រើនប្រកបដោយការបើកទូលាយ បរិយាប័ន្ន តុល្យភាពនិងផ្តល់ផលប្រយោជន៍ជាទូទៅ។ វត្ថុបំណងនៃការធ្វើកំណែទម្រង់អង្គការពាណិជ្ជកម្មពិភពលោកគឺដើម្បីធ្វើឱ្យអង្គការនេះអាចអនុវត្តដោយមានប្រសិទ្ធភាពនូវកម្មវត្ថុស្តីពីការបើកចំហទីផ្សារនិងជំរុញការអភិវឌ្ឍ លទ្ធផលនៃកំណែទម្រង់គួរមានអំណោយផលដល់ការគាំពារពាណិជ្ជកម្មសេរីនិងពហុភាគីនិយម ។
លោកបានថ្លែងទៀតថា បណ្តាភាគីនានាមិនត្រឹមតែត្រូវធានាឱ្យបណ្តាញសន្តិសុខហិរញ្ញវត្ថុមានធនធានដ៏គ្រប់គ្រាន់ប៉ុណ្ណោះទេ ថែមទាំងត្រូវធ្វើឱ្យភាពជាតំណាងនៃរចនាសម្ព័ន្ធហិរញ្ញវត្ថុអន្តរជាតិកាន់តែសមហេតុផល ដើម្បីឆ្លុះបញ្ចាំងឱ្យបានកាន់តែល្អនូវនិម្មាបនកម្មជាក់ស្តែងនៃសេដ្ឋកិច្ចពិភពលោក ។បណ្តាភាគីនានាត្រូវអនុវត្តកិច្ចព្រមព្រៀងប៉ារីសដែលធ្វើឡើងដើម្បីទប់ទល់នឹងបម្រែបម្រួលអាកាសធាតុ ក៏ដូចជាកែលម្អការគ្រប់គ្រងផ្នែកថាមពល បរិស្ថាននិងឌីជីថលផងដែរ ៕
អ្នកបកប្រែ：Zheng Lei