កិច្ចជំនួបរវាងប្រមុខរដ្ឋនៃប្រទេសចិននិងសហរដ្ឋអាមេរិកធ្វើឡើងនៅក្រុងអូសាកា
នៅព្រឹកថ្ងៃទី ២៩ ខែមិថុនា តាមម៉ោងនៅក្នុងតំបន់ លោក ស៊ីនជីនភីង ប្រធានរដ្ឋចិននិងលោកត្រាំ ប្រធានាធិបតីអាមេរិកបានជួបពិភាក្សាការងារនៅក្រុងអូសាកាប្រទេសជប៉ុន។
លោក ស៊ីជីនភីង បានថែ្លងថា លោកមានក្តីសោមនស្សរីករាយដែលបានជួបជាមួយលោកប្រធានាធិបតី ត្រាំនៅក្រុងអូសាកា។រំលឹកឡើងវិញនូវរយៈពេល ៤០ ឆ្នាំនៃការបង្កើតទំនាក់ទំនងការទូតរវាងចិននិងសហរដ្ឋអាមេរិក ស្ថានការណ៍អន្តរជាតិនិងទំនាក់ទំនងរវាងចិននិងអាមេរិកបានឆ្លងកាត់ការប្រែប្រួលយ៉ាងខ្លាំង ប៉ុន្តែការពិតមួយដែលមិនបានប្រែប្រួលនោះគឺ ចិននិងអាមេរិកធ្វើកិច្ចសហប្រតិបត្តិការជាមួយគ្នា គឺល្អប្រសើរជាងជម្លាះ ហើយកិច្ចសន្ទនា គឺល្អប្រសើរជាងការប្រឈមដាក់គ្នា។នាពេលថ្មីៗនេះ លោកបានរក្សាប្រាស្រ័យទាក់ទងគ្នាយ៉ាងស្និទ្ធស្នាលជាមួយលោកប្រធានាធិបតី។ថ្ងៃនេះ លោករីករាយក្នុងការផ្លាស់ប្តូរមតិយោបល់ជាមួយលោកប្រធានាធិបតី ត្រាំស្តីពីបញ្ហាគន្លឹះដែលទាក់ទិននឹងការអភិវឌ្ឍទំនាក់ទំនងរវាងចិននិងអាមេរិកដើម្បីចង្អុលបង្ហាញទិសដៅសម្រាប់ការអភិវឌ្ឍទំនាក់ទំនងរវាងប្រទេសទាំងពីរនៅដំណាក់កាលបន្ទាប់និងលើកកម្ពស់ទំនាក់ទំនងរវាងចិននិងអាមេរិកដោយផ្អែកលើការសម្របសម្រួល កិច្ចសហប្រតិបត្តិការនិងស្ថិរភាព៕