យោងទៅតាម«វិធានការគ្រប់គ្រង់ជាពិសេសសម្រាប់ឲ្យវិនិយោគិនបរទេសចូលទីផ្សារចិន(បញ្ជីអវិជ្ជមាន)» (ឆ្នាំ ២០១៩ ) ដែលបានចេញផ្សាយកាលពីពេលថ្មីៗកន្លងទៅនេះ បានឲ្យដឹងថា ប្រទេសចិននឹងបើកទូលាយឬក៏លុបចោលការរឹតត្បិតបន្ថែមទៀតដើម្បីឲ្យវិនិយោគិនបរទេសអាចចូលក្នុងទីផ្សារចិនក្នុងវិស័យដូចជាភ្នាក់ងារដឹកជញ្ជូនតាមនាវា ឧស្ម័នធម្មជាតិនៅទីក្រុង រោងភាពយន្ត ការរុករកនិងអភិវឌ្ឍប្រេងនិងឧស្ម័នជាដើមចាប់ពីថ្ងៃទី ៣០ ខែកក្កដាតទៅ ។
លោក Liu Qingbin ប្រធាននៃមជ្ឈមណ្ឌលនៃសកលវិទ្យាល័យ Yokohama ជាតិជប៉ុនប្រចាំនៅក្រុងប៉េកាំងបានថ្លែងថា ប្រទេសចិនបានបង្កើនការបើកទូលាយយ៉ាងស៊ីជម្រៅថែមមួយកម្រិតទៀត ។ ពិសេសគឺប្រទេសចិនបានបើកទូលាយចំពោះបរទេសក្នុងវិស័យទូរគមនាគមន៍ 5G ។ នេះបានបង្ហាញឲ្យឃើញថា ប្រទេសចិនបានដើរនាំមុខគេលើផ្ទៃអន្តរជាតិក្នុងការបើកទូលាយយ៉ាងស៊ីជម្រៅ ។
លោក Liu Qingbin បានបញ្ជាក់ថា ការបើកទូលាយក្នុងវិស័យវប្បធម៌ក៏បានបង្ហាញឲ្យឃើញពីទំនុកចិត្តផ្នែកវប្បធម៌របស់ចិនផងដែរ ។
អ្នកបកប្រែ：Li Qingli