នៅល្ងាចថ្ងៃទី ១១ ខែកក្កដា លោកGao Fengអ្នកនាំពាក្យក្រសួងពាណិជ្ជកម្មចិនបានថ្លែងក្នុងសន្និសីទកាសែតជាប្រចាំថា ក្រុមការងារចរចាអំពីសេដ្ឋកិច្ចនិងពាណិជ្ជកម្មរបស់ប្រទេសចិននិងអាមេរិកនឹងអនុវត្តតាមការអនុសាសន៍របស់ប្រមុខរដ្ឋនៃប្រទេសទាំងពីរដែលបានឯកភាពគ្នាក្នុងកិច្ចជំនួបនៅក្រុងអូសាកា ដោយធ្វើការចរចាផ្នែកសេដ្ឋកិច្ចនិងពាណិជ្ជកម្មឡើងវិញលើមូលដ្ឋានសមភាពនិងគោរពគ្នា ។
លោកGao Feng បានអះអាងថា បញ្ហាជាស្នូលដែលភាគីចិនយកចិត្តទុកដាក់គឺចាំបាច់ត្រូវតែទទួលបានការដោះស្រាយដោយសមរម្យ ហើយជឿជាក់ថា ប្រសិនភាគីទាំងពីរអាចឆ្លងតាមរយៈកិច្ចសន្ទនាដោយសមភាព និងគិតគូរពីបញ្ហាសមហេតុផលដែលបានយកចិត្តទុកដាក់ដូចគ្នានោះ ប្រាកដជាអាចរកឃើញមធ្យោបាយសម្រាប់ដោះស្រាយបញ្ហា ដែលវាសមស្របនឹងផលប្រយោជន៍របស់ប្រទេសនិងប្រជាជននៃប្រទេសទាំងពីរ ក៏ដូចជាផលប្រយោជន៍របស់ពិភពលោកនិងប្រជាជនពិភពលោកផងដែរ ៕
អ្នកបកប្រែ：Zhai Qianqian