កាលពីរសៀលថ្ងៃទី ៣០ ខែកក្កដា ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានរៀបចំការរៀនសូត្រជាសមូហភាពលើកទី ១៦ ស្តីពីការជំរុញកំណែទម្រង់គោលនយោបាយនិងរបបយោធា ។ ពេលធ្វើជាអធិបតីក្នុងការរៀនសូត្រ លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានសង្កត់ធ្ងន់ថា គោលនយោបាយនិងរបបយោធាគឺជាការធានាដ៏សំខាន់របស់បក្សយើងក្នុងអភិបាលកិច្ចជាតិ វាពាក់ព័ន្ធនឹងការសម្រេចគោលដៅធ្វើឱ្យកងទ័ពមានភាពខ្លាំងក្នុងយុគសម័យថ្មីនិងកសាងកងទ័ពប្រជាជនឱ្យក្លាយទៅជាកងទ័ពជឿនលឿនលើពិភពលោក លោកបន្តទៀតថា វាពាក់ព័ន្ធនឹងការសម្រេចគោលដៅក្នុងការតស៊ូអំពីសតវត្សរ៍ចំនួន ២ និងសម្រេចសុបិនចិនដែលប្រជាជាតិចិនរុងរឿងឡើងវិញ ។ លោកបន្ថែមទៀតថា ត្រូវតែបង្កើនការរ៉ាប់រងកាតព្វកិច្ច បង្កើនការច្នៃប្រឌិតថ្មីនិងការវាយទម្លុះ ប្រមូលស្មារតីនិងកម្លាំងដើម្បីអនុវត្តយុទ្ធសាស្ត្រដែលធ្វើឱ្យកងទ័ពមានភាពខ្លាំងតាមរយៈកំណែទម្រង់ ធ្វើឱ្យកិច្ចការកងទ័ពខ្លាំងក្នុងយុគសម័យថ្មីរីកចម្រើនទៅមុខឥតឈប់ឈរ ៕
អ្នកបកប្រែ：Xu Xiaoxia