កាលពីថ្ងៃទី ១៨ ខែសីហា លោកត្រាំ ប្រធានាធិបតីអាមេរិកបានជួបសន្ទនាជាមួយលោកTim Cook នាយកប្រតិបត្តិនៃក្រុមហ៊ុនApple ។ លោកTim Cook បានព្រមានថា ការដំឡើងពន្ធគយនឹងប៉ះពាល់ដល់កម្លាំងប្រកួតប្រជែងរបស់ក្រុមហ៊ុនApple ធ្វើឱ្យក្រុមហ៊ុននេះចាញ់ប្រៀបក្នុងការប្រកួតប្រជែងជាមួយក្រុមហ៊ុនSamsung ។
លោកត្រាំបានថ្លែងទៅកាន់អ្នកសារព័ត៌មានថា ពេលពិសារបាយពេលល្ងាចជាមួយគ្នា លោកTim Cook បានសម្តែងការព្រួយបារម្ភចំពោះការដំឡើងពន្ធគយជុំថ្មីដែលជិតនឹងចូលជាធរមាន ។ ប្រទេសអាមេរិកនឹងដំឡើងពន្ធគយ ១០ ភាគរយទៅលើទំនិញចិនដែលនាំចូលអាមេរិកក្នុងទឹកប្រាក់ ៣ សែនលានដុល្លារអាមេរិកដោយចែកជា ២ លើកចាប់ពីថ្ងៃទី ១ ខែកញ្ញាខាងមុខនេះតទៅ ៕
អ្នកបកប្រែ:Xu Xiaoxia