ថ្ងៃទី ២២ខែសីហា អគ្គស្ថានីយវិទ្យុនិងទូរទស្សន៍មជ្ឈិមចិនបានចេញផ្សាយបទវិភាគរបស់អ្នកធ្វើអត្ថាធិប្បាយដែលមានចំណងជើងថា“ការលក់សព្វាវុធឱ្យតៃវ៉ាន់ដើម្បីដាក់សម្ពាធទៅលើប្រទេសចិនគឺមិនអាចចៀសផុតពីជោគវាសនាបរាជ័យទេ” ។
អត្ថបទនេះបានចង្អុលបង្ហាញថា អាមេរិកគ្រោងនឹងលក់យន្តហោះចម្បាំងជឿនលឿនប្រភេទF-16ចំនួន៦៦គ្រឿងនិងបរិក្ខារពាក់ព័ន្ធក្នុងតម្លៃសរុបប្រមាណ៨ពាន់លានដុល្លារអាមេរិកទៅឱ្យតៃវ៉ាន់ ព្រមទាំងផ្តល់ការគាំទ្រដល់តៃវ៉ាន់ទៀងផង ប្រការនេះបានគំរាមកំហែងយ៉ាងខ្លាំងដល់សន្តិភាពនិងស្ថិរភាពនៃតំបន់ច្រកសមុទ្រតៃវ៉ាន់ ។
បញ្ហាតៃវ៉ាន់ពាក់ព័ន្ធដល់អធិបតេយ្យភាពនិងបូរណភាពទឹកដីរបស់ប្រទេសចិនដែលទាក់ទិនដល់ផលប្រយោជន៍ជាស្នូលរបស់ប្រទេសចិន ហេតុដូច្នេះ មិនអត់ឱនឱ្យមានការជ្រៀតជ្រែកពីកម្លាំងខាងក្រៅណាមួយជាដាច់ខាត ។ ប្រទេសចិនប្រឆាំងយ៉ាងដាច់ខាតចំពោះអាមេរិកដែលលក់សព្វាវុធទៅឱ្យតៃវ៉ាន់ដោយនឹងប្រើនូវគ្រប់វិធានការដ៏ចាំបាច់ដើម្បីគាំពារផលប្រយោជន៍របស់ខ្លួន បូករួមទាំងការអនុវត្តការដាក់ទណ្ឌកម្មចំពោះក្រុមហ៊ុនអាមេរិកដែលបានលក់សព្វាវុធលើកនេះ ។ រាល់កម្លាំងណាមួយដែលប៉ុនប៉ងចង់យកតៃវ៉ាន់ទប់ស្កាត់ប្រទេសប្រទេសចិនសុទ្ធតែមិនអាចចៀសផុតពីជោគវាសនាបរាជ័យទេពោលគឺនឹងគ្មានលទ្ធផលល្អជាដាច់ខាត!