លោក ស៊ី ជីនភីង អញ្ជើញចូលរួមពិធីសម្ពោធបើកព្រឹត្តិការណ៍ប្រកួតកីឡាបាល់បោះអន្តរជាតិពានរង្វាន់ពិភពលោកឆ្នាំ ២០១៩

យប់​ថ្ងៃទី ៣០ ​ខែសីហា​  ​ការប្រកួត​កីឡា​បាល់បោះ​​ពានរង្វាន់​ពិភពលោក​ឆ្នាំ ២០១៩ ​នៃ​សហព័ន្ធ​កីឡា​បាល់បោះ​អន្តរជាតិ ​(FIBA Basketball World Cup 2019) ​បាន​ប្រារព្ធ​ពិធី​សម្ពោធបើក​នៅ​​មជ្ឈមណ្ឌល​ហែលទឹក​ជាតិចិន​(Water Cube) ​នាទីក្រុងប៉េកាំង​  ​ដោយមាន​វត្តមាន​ពី​លោក Xi Jinping ​ប្រធានរដ្ឋ​ចិន  ​លោក Rodrigo Duterte​ ប្រធានាធិបតី​ហ្វីលីពីន​ដែល​កំពុង​បំពេញ​ទស្សនកិច្ច​នៅ​ប្រទេស​ចិន  ​លោក Horacio Muratore ​ប្រធាន​សហព័ន្ធ​កីឡា​បាល់បោះ​អន្តរជាតិ​ ​និង​លោក Andreas Zagklis  អគ្គលេខាធិការ​សហព័ន្ធ​កីឡា​បាល់បោះ​អន្តរជាតិ។

លោក ​Muratore ​ប្រធាន​សហព័ន្ធ ​FIBA​ បាន​ថ្លែង​ថា   ​ការប្រកួតកីឡា​បាល់បោះ​ពានរង្វាន់​ពិភពលោក​ឆ្នាំ ២០១៩ ​ជា​ព្រឹត្តិការណ៍​កីឡា​បាល់បោះ​ដែល​​​ធំ​បំផុត ​និង​ទទួល​បាន​​ការចាប់អារម្មណ៍​យ៉ាង​ខ្លាំង​បំផុត​ក្នុង​ប្រវត្តិសាស្ត្រ​  ។ ​លោក​​បាន​​វាយតម្លៃ​​​ខ្ពស់​​និង​សូម​ថ្លែង​អំណរគុណ​​យ៉ាង​ជ្រាល​ជ្រៅ​ដល់​​​ភាគី​ចិន​ដែល​បាន​​​រៀបចំ​ការងារ​គ្រប់បែបយ៉ាង​បាន​យ៉ាង​ល្អ​និង​ផ្ចិតផ្ចង់​។ ​លោក​ជឿជាក់ថា​ការប្រកួត​បាល់បោះ​ពិភពលោក​​នេះ​មុខជា​ទទួល​នូវ​ភាពជោគជ័យ​និង​​ភាពអស្ចារ្យ​។

សូមបញ្ជាក់ថា ​ការប្រកួត​កីឡា​បាល់បោះ​ពានរង្វាន់​ពិភពលោក​នៃ​​ FIBA ​ប្រារព្ធ​ឡើង​ក្នុង​រយៈពេល​ ៤ ឆ្នាំម្តង​។ ​​វគ្គ​ផ្តាច់ព្រ័ត្រ​នៃ​ការប្រកួត​ឆ្នាំ​នេះ​ធ្វើ​ឡើង​នៅ​ប្រទេស​ចិន​ចាប់ពី​ថ្ងៃ​ទី ៣១ ​ខែសីហា​ដល់​ថ្ងៃទី ១៥ ​ខែ​កញ្ញា៕​​​

អ្នកបកប្រែ：Deng Qian