ថ្ងៃទី ៧ ខែកញ្ញា លោក ស៊ីជីនភីង ប្រធានរដ្ឋចិនបានផ្ញើសារកាន់ទុក្ខទៅកាន់លោក Mnangagwa ប្រធានាធិបតីហ្ស៊ីមបាវេដើម្បីចូលរួមរំលែកទុក្ខចំពោះមរណភាពរបស់លោក Robert Mugabe អតីតប្រធានាធិបតីហ្ស៊ីបាវេ ។ លោក ស៊ី ជីនភីងបានតំណាងឱ្យរដ្ឋាភិបាលនិងប្រជាជនចិន ព្រមនិងតាងនាមផ្ទាល់ខ្លួនសូមសំដែងមរណទុក្ខយ៉ាងក្រៀមក្រំបំផុតចំពោះមរណភាពរបស់លោក Mugabe ព្រមនិងសម្តែងការសួរសុខទុក្ខយ៉ាងស្មោះចំពោះរដ្ឋាភិបាលនិងប្រជាជនហ្ស៊ីមបាវេ ក៏ដូចជាសាច់ញាតិរបស់លោក Mugabe ផងដែរ ។
ថ្លែងក្នុងសារកាន់ទុក្ខ លោក ស៊ី ជីនភីងបានលើកឡើងថា ប្រទេសចិនឱ្យតម្លៃនិងថែរក្សាចំណងមិត្តភាពប្រពៃណីជាភាតរភាព រវាងចិននិងហ៊្សីមបាវេ រីករាយរួមសហការជាមួយរដ្ឋាភិបាលនិងប្រជាជនហ្ស៊ីមបាវេបន្តពង្រឹងនិងពង្រីកកិច្ចសហប្រតិបតិ្តការលើគ្រប់វិស័យរវាងភាគីទាំងពីរ ក្នុងន័យជំរុញទំនាក់ទំនងភាពជាដៃគូសហប្រតិបតិ្តការជាយុទ្ធសាស្ត្រគ្រប់ជ្រុងជ្រោយរវាងចិននិងហ្ស៊ីមបាវេវិវឌ្ឍរីកច្រើនទៅមុខឥតឈប់ឈរ ៕
អ្នកបកប្រែ：Guo Xiangqing