ក្នុងថ្ងៃសម្រាកបុណ្យជាតិទូទាំងខេត្តយូណានបានទទួលភ្ញៀវទេសចរលើស២៧លាននាក់

ក្នុងថ្ងៃសម្រាកនៃបុណ្យជាតិដប់មួយ（ដប់មួយគឺថ្ងៃទី១ ខែតុលា）ឆ្នាំនេះ  ទូទាំងខេត្តយូណានសរុបបានទទួលភ្ញៀវទេសចរណ៍ ២៧.១២៣ លាននាក់  បើប្រៀបធៀបនឹងឆ្នាំមុនបានកើនឡើង២១.១%  ដែលបានទទួលប្រាក់ចំណូលទេសចរណ៍ជាង ២១.៥៩ពាន់លានយ័នបើប្រៀបធៀបនឹងឆ្នាំមុនបានកើនឡើង២២.១%។  ក្នុងចំណោមនោះ  បានទទួលភ្ញៀវទេសចរស្នាក់៤.៩៧១លាននាក់  បើប្រៀបធៀបនឹងឆ្នាំមុនបានកើនឡើង១.១%និងទទួលភ្ញៀវទេសចរកំសាន្តមួយថ្ងៃ២២.១៥២លាននាក់  បើប្រៀបធៀបនឹងឆ្នាំមុនបានកើនឡើង២៦.៨%។

ក្នុងថ្ងៃសម្រាកនេះ  ពណ៌ស្អាតបំផុតក្នុងតំបន់ទេសចរជាពណ៌ក្រហមចិន។  ការបើកឡានខ្លួនឯងនិងរថភ្លើងល្បឿនលឿនជាជម្រើសសំខាន់ក្នុងថ្ងៃសម្រាកបុណ្យជាតិ  ឯទីផ្សារទេសចរណ៍តាមតំបន់នានាក្នុងខេត្តយូណានបានបង្ហាញស្ថេរភាពបង្កើនដោយភាពនឹងនរនិងល្បឿនលឿន។

ក្នុងអំឡុងពេលថ្ងៃសម្រាក  បរិមាណភ្ញៀវទេសចរនៃតំបន់ទេសចរណ៍ភ្នំព្រិលយូលុងលីចាំង  ព្រៃថ្មស៊ីលីនគុនមីញ និងភូមិជនជាតិយូណានបានជាប់ចំណាត់ថ្នាក់លេខ៣នាំមុខទូទាំងខេត្តយូណាន  គឺមានចំនួន១៥២ពាន់នាក់  ១១៩ពាន់នាក់និង១០៦ពាន់នាក់  បើប្រៀបធៀបនឹងឆ្នាំមុនបានកើនឡើង ២៧.៤%២០.៨%និង១២.៩%រៀងគ្នា។  បរិមាណភ្ញៀវទេសចរនៃមណ្ឌលស្វយ័តវេនសាន  ទីក្រុងឆុជីន  ទីក្រុងលីនឆាំង មណ្ឌលស្វយ័តហុងហឺនិងមណ្ឌលស្វយ័តឈុស្យុងបានកើនឡើង ២០%បើប្រៀបធៀបនឹងឆ្នាំមុន  មណ្ឌលស្វយ័ត（ឬទីក្រុង）ចំនួន១១ ទូទាំងខេត្តបានទទួលភ្ញៀវទេសចរលើស១លាននាក់៕

អ្នកសារព័ត៌មាន៖ Wang Huan

អ្នកបកប្រែ៖ លីហ្សា