ថ្ងៃទី១៥ខែតុលា លោកស៊ីជីនភីងប្រធានរដ្ឋចិនបានជួបពិភាក្សាតាមទូរស័ព្ទជាមួយលោកម៉ាក្រុងប្រធានាធិបតីបារាំងតាមការណាត់។
លោកស៊ីជីនភីងបានថ្លែងអំណរគុណចំពោះលោកម៉ាក្រុងដែលបានផ្ញើសារលិខិតអបអរសាទរដែលបង្ហាញពីភាពរាក់ទាក់កក់ក្តីក្នុងឱកាសខួបទី៧០នៃការបង្កើតសាធារណរដ្ឋប្រជាមានិតចិន។ លោកបានថ្លែងថា រដ្ឋាភិបាលនិងប្រជាជនបារាំងបានជួយជ្រោមជ្រែងនិងផ្តល់ការគាំទ្រជាច្រើនដល់កិច្ចកសាងនិងការអភិវឌ្ឍរបស់ប្រទេសចិន ប្រទេសចិននឹងបន្តប្រកាន់ខ្ជាប់នូវយុទ្ធសាស្រ្តបើកទូលាយដែលផ្តល់ផលប្រយោជន៍ដល់គ្នាទៅវិញទៅមក រួមជាមួយប្រជាជននៃបណ្តាប្រទេសនានាក្នុងនោះបូករួមទាំងប្រជាជនបារាំងផងដើម្បីជំរុញការកសាងសហគមន៍រួមវាសនាតែមួយរបស់មនុស្សជាតិ។
លោកម៉ាក្រុងបានថ្លែងថា ក្រោមបរិបទបច្ចុប្បន្ន បារាំងនិងចិនបានរក្សានូវការផ្លាស់ប្តូរជាយុទ្ធសាស្រ្តគឺប្រកបដោយសារសំខាន់។ ប្រទេសបារាំងរីករាយបង្កើនកិច្ចសហប្រតិបត្តិការនិងការផ្លាស់ប្តូរជាមួយប្រទេសចិនលើវិស័យពាណិជ្ជកម្ម ថាមពលនុយគ្លេអ៊ែរស៊ីវិល អាកាសចរណ៍និងវប្បធម៌ជាដើម និងរួមគ្នាជំរុញពហុភាគីនិយម ក៏ដូចជាចាប់ដៃគ្នាទប់ទល់នឹងបញ្ហាធំនិងសំខាន់ជាសកលដូចជាបង្ហាញបរិស្ថាននិងបម្រែបម្រួលអាកាសធាតុជាដើម៕
អ្នកបកប្រែ：Wang Zhaojun