ធ្យូងថ្មឥណ្ឌូណេស៊ីលើកដំបូងបានដឹកជញ្ជូនតាមផ្លូវដែកទទឹង១ម៉ែត្រចិន-វៀតណាមមកដល់ប្រទេសចិន

នាថ្ងៃទី១៥ ខែតុលា ម៉ោង៨ និង៤៥ នាទីធ្យូងថ្មនៃប្រទេសឥណ្ឌូនេស៊ីដែលដំឡើងចែកចាយជាឡានកុងតឺន័រចំនួន១៦ សរុបស្មើនឹង៤៧៧តោន ត្រូវបានដឹកជញ្ជូនតាមរថភ្លើងលេខ១២០៩ តាមផ្លូវដែកទទឹង១ម៉ែត្រចិន-វៀតណាម  បានដល់ស្ថានីយ៍ព្រំដែនសានយោនៃកំពង់ផែហឺខូវប្រទេសចិន។  នេះជាផ្លូវដែកចិន-វៀតណាមដែលមានប្រវត្តិសាស្ត្រជាងមួយរយឆ្នាំក្នុងការដឹកជញ្ជូនទំនិញមកពីឥណ្ឌូនេស៊ីលើកដំបូង។

យោងតាមដំណឹងបានឱ្យដឹងថា  លើកនេះសរុបមានធ្យូងថ្មឥណ្ឌូនេស៊ី២.៧ម៉ឺនតោនដឹកជញ្ជូនតាមសមុទ្រដល់កំពង់ផែHAIPHONG នៃប្រទេសវៀតណាម   ធ្យូងថ្មទាំងអស់ឆ្លងកាត់ផ្លូវដែកទទឹង១ម៉ែត្រចិន-វៀតណាម  បានដល់ស្ថានីយ៍ព្រំដែនសានយោនៃកំពង់ផែហឺខូវប្រទេសចិន  ចុងក្រោយដឹកជញ្ជូនដល់គ្រប់ទិសទីក្នុងប្រទេសចិន។ 

ផ្លូវដែកទទឹង១ម៉ែត្រចិន-វៀតណាមតភ្ជាប់ទីក្រុងគុនមីញប្រទេសចិននិងកំពង់ផែHAIPHONGប្រទេសវៀតណាម​​។ ប៉ុន្មានឆ្នាំកន្លងមកនេះក្រុមហ៊ុននាយកដ្ឋានគុនមីញ នៃផ្លូវដែកចិន គ្រុប បានពឹងផ្អែកឧត្តមានុភាពពីកំពង់ផេហឺខូវនិងផ្លូវដែកទទឹង១ម៉ែត្រចិន-វៀតណាម  ហើយបើករថភ្លើងដឹកជញ្ជូនទំនិញអន្តរជាតិរវាងស្រុកខៃយួនខេត្តយូណាននិងទីក្រុងHAIPHONG​​ប្រទេសវៀតណាម  បានធ្វើឱ្យច្រកដឹកជញ្ជូននៅឧបទ្វីបឥណ្ឌូចិនឆ្លងកាត់បាន  សម្រេចរថភ្លើងរួមដឹកជញ្ជូនអន្តរជាតិទៅវិញទៅមកយ៉ាងស្រួលរវាងចិននិងវៀតណាម ព្រមទាំងកម្ពុជាជាដើម។  ចាប់តាំងពីឆ្នាំនេះមក  ច្រកធំផ្លូវដែកចិន-វៀតណាមសរុបបានដឹកជញ្ជូនទំនិញ ៤៣.៥ ម៉ឺនតោន  ក្នុងចំណោមនោះ  ទំនិញចេញទៅក្រៅមានបរិមាណដល់១៨.៣តោន  ទំនិញចូលក្នុងប្រទេសចិនសរុប២៥.២ម៉ឹនតោន ៕

អ្នកបកប្រែ៖ Hu Xiaorong

អ្នកបកប្រែ៖ លីហ្សា