វេទិកាអភិវឌ្ឍន៍ថាមពលកាបូនទាបឆ្នាំ ២០១៩ ក្រុង Taiyuan បានសម្ពោធបើកនៅថ្ងៃទី ២២ ខែតុលានេះ នៅក្រុង Taiyuan នៃខេត្ត Shanxi ។លោក ស៊ី ជីនភីង ប្រធានរដ្ឋចិនបានផ្ញើសារលិខិតអបអរសាទរ។
លោក ស៊ី ជីនភីង បានចង្អុលបង្ហាញក្នុងសារលិខិតអបអរសាទរថា ការអភិវឌ្ឍថាមពលកាបូនទាប គឺទាក់ទងនឹងអនាគតរបស់មនុស្សជាតិ។ប្រទេសចិនបានយកចិត្តទុកដាក់យ៉ាងខ្លាំងចំពោះការអភិវឌ្ឍថាមពលកាបូនទាបនិងជំរុញយ៉ាងសកម្មនូវកំណែទម្រង់លើការប្រើប្រាស់ថាមពល ការផ្គត់ផ្គង់ បច្ចេកវិទ្យានិងប្រព័ន្ធ។ប្រទេសចិនមានឆន្ទៈរួមសហការជាមួយសហគមន៍អន្តរជាតិដើម្បីពង្រឹងកិច្ចសហប្រតិបត្តិការស្តីពីថាមពលដោយគ្រប់ជ្រុងជ្រោយនិងធានារក្សានូវសន្តិសុខថាមពល ក៏ដូចជាទប់ទល់នឹងបម្រែបម្រួលនៃអាកាសធាតុព្រមទាំងការពារអេកូ-បរិស្ថាននិងជំរុញការអភិវឌ្ឍប្រកបដោយនិរន្តរភាពដើម្បីផ្តល់នូវផលប្រយោជន៍កាន់តែល្អប្រសើរដល់ប្រជាជននៃបណ្តាប្រទេសនានានៅលើពិភពលោក៕
អ្នកបកប្រែ：Wei Wei