វេទិកាអភិវឌ្ឍន៍ប្រកបដោយនិរន្តរភាពលើកដំបូងបានធ្វើឡើងនៅក្រុងប៉េកាំងនៅថ្ងៃទី ២៤ ខែតុលានេះ។លោក ស៊ី ជីនភីង ប្រធានរដ្ឋចិនបានផ្ញើសារលិខិតអបអរសាទរជូនចំពោះវេទិកានេះ។
លោក ស៊ី ជីនភីង បានចង្អុលបង្ហាញថា ប្រទេសចិនប្រកាន់ខ្ជាប់នូវគំនិតអភិវឌ្ឍន៍បែប ច្នៃប្រឌិតថ្មី សម្របសម្រួល បៃតង បើកទូលាយនិងចែករំលែកជាមួយគ្នាដើម្បីជំរុញការអភិវឌ្ឍប្រកបដោយគុណភាពខ្ពស់នៃសេដ្ឋកិច្ចរបស់ចិននិងអនុវត្តយ៉ាងពេញលេញនិងធ្វើឱ្យស៊ីជម្រៅនូវរបៀបវារៈអភិវឌ្ឍន៍ប្រកបដោយនិរន្តរភាពឆ្នាំ ២០៣០ ។ជាមួយគ្នានេះ ប្រទេសចិនបានពង្រឹងយ៉ាងសកម្មនូវកិច្ចសហប្រតិបត្តិការរវាងបណ្តាប្រទេសកំពុងអភិវឌ្ឍន៍នានានិងជំរុញការរួមគ្នាកសាងគំនិតផ្តួចផ្តើម"ខ្សែក្រវាត់និងផ្លូវ"ឱ្យតភ្ជាប់ជាមួយនឹងរបៀបវារៈអភិវឌ្ឍន៍ប្រកបដោយនិរន្តរភាពឆ្នាំ ២០៣០ ដើម្បីចូលរួមចំណែកជាវិជ្ជមានដល់ការសម្រេចបាននូវគោលដៅអភិវឌ្ឍន៍ប្រកបដោយនិរន្តរភាពទូទាំងពិភពលោក។លោករំពឹងថា គ្រប់ភាគីទាំងអស់នឹងខិតខំស្វែងរកមធ្យោបាយដ៏ល្អប្រសើរយ៉ាងសកម្មដើម្បីអនុវត្តនូវរបៀបវារៈអភិវឌ្ឍន៍ប្រកបដោយនិរន្តរភាពឆ្នាំ ២០៣០ និងជំរុញការអភិវឌ្ឍរួម ក្នុងន័យ ពួតដៃគ្នាកសាងសហគមន៍រួមវាសនានៃមនុស្សជាតិ៕
អ្នកបកប្រែ：Wei Wei