ពេលកន្លងទៅថ្មីៗនេះ បណ្ឌិត្យសភាសារព័ត៌មាននិងការបោះពុម្ពផ្សាយនៃប្រទេសចិនបានចេញផ្សាយរបាយការណ៍ស្តីពីកិច្ចសហប្រតិបត្តិការនិងការអភិវឌ្ឍនៃការបោះពុម្ពផ្សាយអន្តរជាតិ”ខ្សែក្រវាត់និងផ្លូវ” ដោយបានបង្ហាញថា គិតរហូតដល់បច្ចុប្បន្ន ប្រទេសចិនបានធ្វើពាណិជ្ជកម្មខាងកម្មសិទ្ធិបញ្ញាសៀវភៅ ការបោះពុម្ពផ្សាយអេឡិចត្រូនិកនិងអក្សរសិល្ប៍តាមបណ្តាញអ៊ីនធើណេតជាដើមជាមួយប្រទេសពាក់ព័ន្ធខ្សែក្រវាត់និងផ្លូវចំនួន៨៣ប្រទេសដែលត្រូវជាជិត២ភាគ៣នៃចំនួនប្រទេសដែលបានចុះហត្ថលេខាលើឯកសារសហប្រតិបត្តិការស្តីពីការរួមគ្នាកសាងខ្សែក្រវាត់និងផ្លូវជាមួយប្រទេសចិន ។
របាយការណ៍មួយនេះបានបង្ហាញថា បច្ចុប្បន្ននេះ ប្រទេសចិនបានធ្វើកិច្ចសហប្រតិបត្តិការខាងមុខរបរបោះពុម្ពផ្សាយយ៉ាងទូលំទូលាយជាមួយប្រទេសពាក់ព័ន្ធខ្សែក្រវាត់និងផ្លូវដែលរាយបាយពាសពេញទ្វីអាស៊ី អឺរ៉ុប អាហ្រ្វិក អូស្យានី អាមេរិកខាងជើងនិងអាមេរិកខាងត្បូង ៕
អ្នកបកប្រែ：Zheng Lei